حنیف محمد کے پوتے کی مدد سے اعظم خان نے 4ماہ میں 14کلو وزن کم کرلیا

حنیف محمد کے پوتے کی مدد سے اعظم خان نے 4ماہ میں 14کلو وزن کم کرلیا

  



اسلام آباد(آئی این پی) کوئٹہ گلیڈی ایٹرز کے بیٹسمین اعظم خان نے 4ماہ میں 14کلو وزن کم کرلیا،وہ سابق وکٹ کیپر معین خان کے صاحبزادے ہیں۔اعظم خان پی ایس ایل کے رواں سیزن سے قبل سابق عظیم بیٹسمین حنیف محمد کے پوتے و شعیب محمد کے بیٹے شہزرکی زیرنگرانی ٹریننگ کرتے رہے ہیں، انھوں نے اب تک کوئٹہ گلیڈی ایٹرز کو 3 میں سے 2 میچز میں اپنی عمدہ بیٹنگ سے فتح دلائی ہے۔ویب سائٹ کرکٹ پاکستان سے گفتگو کرتے ہوئے اعظم خان نے کہا کہ تنقید کی وجہ سے میں نے وزن کم کرنے کا فیصلہ کیا۔ پی ایس ایل کے بعد دوبارہ یہ سلسلہ شروع کروں گا۔معین خان کا صاحبزادہ ہونے کی وجہ سے تنقید کے حوالے سے انھوں نے کہاکہ اگر میں کسی کرکٹر کا بیٹا ہوں تو اس میں میرا کیا قصور ہے، اگر ٹیلنٹ کے بغیر ہی ٹیم میں موجود ہوں تو پھر تنقید ہونی چاہیے۔

مزید : کھیل اور کھلاڑی