پی ٹی آئی حکومت میں جہانگیر ترین کی آمدن میں 20ارب کا اضافہ

  پی ٹی آئی حکومت میں جہانگیر ترین کی آمدن میں 20ارب کا اضافہ

  



اسلام آباد(آن لائن) عمران خان کی حکومت برسراقتدار آنے کے بعد جہانگیر ترین کی آمدن میں بے بہا اضافہ ہواہے، جہانگیر ترین کی سالانہ آمدن 57ارب سے بڑھ گئی ہے جبکہ پی ٹی آئی کی حکومت سے پہلے سالانہ آمدن 37ارب روپے تھی۔ جہانگیر ترین کی طرف سے میڈیا کو جاری ایک بیان میں تسلیم کیاگیا ہے کہ ان کی ملکیت جے ڈی ڈبلیو ہولڈنگ کی سالانہ آمدن 37ارب روپے سے بڑھ کر 57ارب روپے ہوگئی ہے اور اس آمدن میں اضافہ 18.75 فیصددیکھنے میں آیا ہے۔ مئی 2018 میں ان کی کمپنیوں کی سالانہ آمدن 37ارب روپے تھی جبکہ ان کے اثاثوں کی مالیت 48ارب روپے تھی، 2019میں کمپنیوں کی آمدن 57ارب روپے ہے۔ جہانگیر ترین کی ذاتی ملکیتی میں 3 عدد شوگر ملیں ہیں جبکہ پاور کمپنیاں بھی ان کی ملکیتی ہیں۔گزشتہ سال جہانگیر ترین نے 2لاکھ ٹن چینی برآمد کی ہے جبکہ دوسرے سال جہانگیر ترین نے 1لاکھ 20ہزارٹن چینی برآمد کرنے کی درخواست عمران خان کو دے رکھی ہے۔ جہانگیر ترین کی کمپنیوں میں سابق گورنر پنجاب احمد محمود کے شئیرز 26.5 فیصد ہیں جبکہ رانا نسیم کے شئیرز 7.4فیصد ہیں۔

جہانگیر ترین آمدن

مزید : صفحہ آخر