شوکت یوسفزئی کی وزارت تبدیل کرنے کا فیصلہ
پشاور(آئی این پی) وزیراطلاعات خیبرپختونخوا شوکت یوسفزئی کی وزارت تبدیل کرنے کا فیصلہ کیا گیا ہے اس کے علاوہ کے پی کے دیگر وزرا کابھی چند روزمیں ردوبدل کا امکان ہے۔تفصیلات کے مطابق خیبرپختونخوا کے وزیر اطلاعات شوکت یوسفزئی کو تبدیل کرنے کا فیصلہ کیا گیا ہے،شوکت یوسفزئی کو دوسری وزارت دی جائے گی۔اس حوالے سے ذرائع کا کہنا ہے کہ خیبرپختونخوا کی کابینہ میں چند روزمیں ردوبدل کا امکان ہے، شوکت یوسفزئی کو دوسری وزارت دی جائے گی۔سرکاری ذرائع کے مطابق خیبرپختونخوا حکومت کے ترجمان اجمل وزیر وزارت اطلاعات کے امور دیکھیں گے جبکہ شوکت یوسفزئی کو محکمہ صحت یا کھیل و ثقافت کی وزارت حوالے کیاجا سکتی ہے۔اس سلسلے میں شوکت یوسفزئی نے میڈیا سے گفتگو کرتے ہوئے کہا ہے کہ وزیراعلی کے پی سے اپنی وزارت تبدیل کرنے کی درخواست کی ہے، امید ہیآئندہ چندروز میں میرا قلمدان تبدیل کردیا جائیگا، بھرپور تعاون پر تمام دوستوں کا شکریہ ادا کرتا ہوں۔
شوکت یوسفزئی