لاہور قلندرز نے ہمیں آؤٹ کلاس کیا، اسلام آباد یونائیٹڈ کے کوچ اظہر محمود کا بیان
لاہور(ڈیلی پاکستان آن لائن)اسلام آباد یونائیٹڈ کے ہیڈ کوچ اظہر محمود نے کہا ہے کہ لاہور قلندرز نے ہمیں آؤٹ کلاس کیا، ہمیں ضرور مایوسی ہوئی ہے،اس میچ کے بعد ہمیں آگے بڑھنا ہے۔
ان کا کہنا تھا کہ لاہور قلندرز نے پہلے بیٹنگ اچھی کی پھر باؤلنگ شاندار کی، ہمیں اپنی غلطیوں سے سیکھنا ہوگا، قلندرز کا باؤلنگ اٹیک ورلڈ کلاس ہے، شاہین آفریدی اور حارث رؤف کے ساتھ ڈیوڈ ویزے نے بھی عمدہ باؤلنگ کی۔ اسلام آباد یونائیٹڈ کا آغاز اچھا تھا لیکن اس کے بعد یکے بعد دیگرے وکٹیں گریں ۔
اظہر محمود کا کہنا تھا کہ فہیم اشرف اب بھی پاکستان کے بہترین آل راؤنڈر ہیں، وکٹ میں کوئی مسئلہ نہیں تھا، ہمیں اپنے شاٹس کی طرف دیکھنا ہوگا۔ شاداب خان کے ری ایکشن سے لگا کہ بیٹ کو بال ٹچ نہیں کی لیکن امپائر کا فیصلہ ہے ہمیں اس کو تسلیم کرنا ہے جبکہ اعظم خان اور آصف علی امپیکٹ پلیئرز ہیں، یہ پلیئرز ہر میچ نہیں جتوایا کرتے، دنیا بھر کے امپیکٹ پلیئرز 10 میں سے 3،4 میچز ہی جتواتے ہیں۔انہوں نے کہا کہ اگلے میچ کے لیے ایلیکس ہیلز آجائیں گے اور پھر ہم اپنا کمبی نیشن دیکھیں گے۔
