معروف بھارتی اداکارہ تاپسی پنو کب اور کس لڑکے سے شادی کرنے جارہی ہیں؟ دولہے کی تصویر سامنے آ گئی 

معروف بھارتی اداکارہ تاپسی پنو کب اور کس لڑکے سے شادی کرنے جارہی ہیں؟ دولہے ...
معروف بھارتی اداکارہ تاپسی پنو کب اور کس لڑکے سے شادی کرنے جارہی ہیں؟ دولہے کی تصویر سامنے آ گئی 

  IOS Dailypakistan app Android Dailypakistan app

ممبئی(ڈیلی پاکستان آن لائن ) بالی ووڈ انڈسٹری کی معروف اداکارہ تاپسی پنو کی دیرینہ دوست اوربیڈمنٹن کے کھلاڑی 'میتھیاس بوے 'کے ساتھ شادی کی تاریخ سامنے آگئی۔

بھارتی میڈیا کے مطابق تاپسی پنو اور بیڈمنٹن کھلاڑی میتھیاس بوے رواں سال مارچ کے آخر میں شادی کریں گے، شادی کی تقریبات ریاست راجستھان کے شہر' اودے پور 'میں منعقد ہوں گی جس میں صرف فیملی کے افراد اور چند قریبی رشتہ دار شامل ہوں گے۔

رپورٹ میں بتایا گیا کہ تاپسی پنو کی شادی پر بالی ووڈ کی کسی بھی مشہور شخصیت کو مدعو نہیں کیا جائے گا جبکہ یہ شادی سکھ اور عیسائی مذہب کی روایات اور رسم و رواج کے مطابق ہوگی کیونکہ اداکارہ کا تعلق سکھ مذہب سے ہے جبکہ اُن کے ہونے والے شوہر عیسائی مذہب سے تعلق رکھتے ہیں۔

اس سے قبل جنوری 2023 میں ایک انٹرویو کے دوران تاپسی پنو نے اپنی شادی کے بارے میں بات کرتے ہوئے کہا تھا کہ اُن کی شادی پر بہت ڈانس ہوگا، وقت پر اچھا کھانا ملے گا لیکن اُن کی شادی میں کوئی بھی تقریب رات دیر تک نہیں چلے گی اور اُن کی شادی فضول کے ڈراموں سے پاک ہوگی۔اپنی شادی کے میک اپ کے بارے میں بات کرتے ہوئے تاپسی پنو کا کہنا تھا کہ مجھے بہت برا لگتا ہے جب میں ان لڑکیوں کو دیکھتی ہوں جو اپنی شادی کے دن اپنے چہروں پر میک اپ کی موٹی تہہ لگاتی ہیں۔

تاپسی پنو کا کہنا تھا کہ میں یہ سوچتی ہوں کہ ایسی دلہنیں، جب اپنی شادی کی تصاویر اور ویڈیوزدیکھتی  ہیں تو وہ کس طرح خود کی پہنچانتی ہیں؟ کیونکہ موٹی تہہ والا میک اپ تو اُن کا چہرہ مکمل طور پر تبدیل کردیتا ہے۔

واضح رہے کہ تاپسی پنو تقریباََ 10 سال سے میتھیاس بوے کو ڈیٹ کر رہی ہیں، وہ اکثر انٹرویوز اور سوشل میڈیا پر اپنے تعلقات کے بارے میں بات کرتی رہتی ہیں۔

مزید :

تفریح -