چیف سلیکٹر نے ٹیم میں بڑے پیمانے پر ’’اکھاڑبچھاڑ ‘‘ کا عندیہ دیدیا

چیف سلیکٹر نے ٹیم میں بڑے پیمانے پر ’’اکھاڑبچھاڑ ‘‘ کا عندیہ دیدیا

  

 لاہور(سپورٹس ڈیسک) چیف سلیکٹر انضمام الحق نے ٹیم میں تبدیلیوں کا عندیہ دیا ہے، انہوں نے کہا کہ تینوں فارمیٹس کا ایک کپتان بنانے کے حق میں ہوں۔لاہورمیں پریس کانفرنس کرتے ہوئے انضمام الحق نے کہا کہ آسٹریلیا سے سیریز کے دوران کوئی بیان نہیں دینا چاہتا تھا، قومی ٹیم میری مرضی سے ہی منتخب ہوتی ہے لیکن کوچ اور کپتان کی بات بھی سنتاہوں، دورہ آسٹریلیا کیلئے بہترین ٹیم کا انتخاب کیا گیا، جیسی ٹیم مجھ سے مانگی گئی ویسی ہی دی، کھلاڑیوں میں فٹنس کی کمی ہے، فرسٹ کلاس میں پرفارم کرنے والے پلیئرز کو ٹیم میں جگہ دی گئی ہے، محمد حفیظ گزشتہ سال کے بہترین ون ڈے پلیئر تھے، انہیں بغیر سوچے سمجھے ٹیم میں شامل کرنے کا تاثر غلط ہے۔انضمام الحق نے کہا کہ کسی کا نام نہیں لیتا لیکن ٹیم میں بڑی تبدیلیاں ہونی چاہئیں۔ اچھی پرفارمنس دینے والے کھلاڑیوں کو ٹیم میں شامل کیا جائیگا، پی ایس ایل سے بھی نئے پلیئرز ٹیم میں آئیں گے۔ چیف سلیکٹر نے مزید کہا کہ تینوں فارمیٹس میں ایک ہی کپتان کے حق میں ہوں۔

مزید :

کھیل اور کھلاڑی -