”ہم جنوبی پنجاب میں بھی یہ چیز بنائیں گے “ جہانگیر ترین نے بڑا اعلان کر دیا

”ہم جنوبی پنجاب میں بھی یہ چیز بنائیں گے “ جہانگیر ترین نے بڑا اعلان کر دیا
”ہم جنوبی پنجاب میں بھی یہ چیز بنائیں گے “ جہانگیر ترین نے بڑا اعلان کر دیا

  

ملتان(ڈیلی پاکستان آن لائن )پاکستان تحریک انصاف کے رہنما جہانگیر ترین نے کہاہے کہ بیت المال کی طرح دیگر محکموں کے بھی جنوبی پنجاب میں دفاتر بنائیں گے۔

بیت المال جنوبی پنجاب کی افتتاحی تقریب سے خطاب کرتے ہوئے جہانگیر ترین کا کہناتھا کہ جنوبی سیکرٹریٹ کے قیام میں بے جا تاخیر نہیں ہونی چاہیے، اس حوالے سے ہمیں جلد فیصلہ کرنا ہوگا۔ان کا کہنا تھا کہ کافی عرصے سے جنوبی پنجاب کی محرومیوں کو اجاگر کررہے ہیں، جنوبی پنجاب سے اچھے خاصے لوگ اسمبلیوں میں پہنچتے ہیں۔

انہوں نے کہا پہلے تخت لاہور والے بہت مضبوط تھے لیکن جنوبی پنجاب کے ساتھ زیادتی کرنے والوں کے حالات سب کے سامنے ہیں۔ ان کا کہنا تھا کہ ڈی جی خان جیسے علاقے سے عوام نے زرتاج گل کو کامیاب کرایا۔ اس علاقے سے خاتون کا منتخب ہونا حیران کن تھا۔ جہانگیر ترین نے کہا کہ جنوبی پنجاب کے تمام اراکین مل بیٹھ کر فیصلہ کریں کہ ہمیں عمران خان کا ہاتھ بٹانا ہے۔

مزید :

علاقائی -پنجاب -ملتان -