سرکاری ملازموں کی ٹرانسفرپوسٹنگ ان کے نہیں ،حکومت کے ہاتھ میں ہوتی ہے،سعید غنی

سرکاری ملازموں کی ٹرانسفرپوسٹنگ ان کے نہیں ،حکومت کے ہاتھ میں ہوتی ہے،سعید ...
سرکاری ملازموں کی ٹرانسفرپوسٹنگ ان کے نہیں ،حکومت کے ہاتھ میں ہوتی ہے،سعید غنی

  



کراچی (ڈیلی پاکستان آن لائن)وزیراطلاعات سندھ سعید غنی نے آئی جی سندھ کلیم امام کے بیان پر ردعمل دیتے ہوئے کہاہے کہ سرکاری ملازموں کی ٹرانسفر پوسٹنگ ان کے ہاتھ میں نہیں ہوتی،سرکاری ملازمین کے تقرروتبادلے حکومت کے ہاتھ میں ہوتے ہیں ۔

پیپلزپارٹی کے رہنما اوروزیر اطلاعات سندھ اسمبلی سعید غنی نے آئی جی کلیم امام کے بیان پر ردعمل دیتے ہوئے کہا کہ آئی جی سندھ کے خلاف کوئی سازش نہیں ہوئی،کلیم امام کے دور میں کراچی میں وارداتوں میں اضافہ ہوا،سعیدغنی کاکہناتھاکہ کلیم امام کے دور میں وزرا پر سنگین الزامات عائد کیے گئے،کلیم امام کے دور میں سندھ میں صورتحال مزید خرا ب رہے ۔

وزیر اطلاعات سندھ نے کہا کہ  کلیم امام کی سندھ میں کارکردگی اطمینان بخش نہیں تھی،کلیم امام کی موجودگی میں سندھ میں قتل و غارت میں اضافہ ہوا،سعید غنی کاکہناتھا کہ نئے آئی جی سندھ کے حوالے سے صوبہ اور وفاق ساتھ ہے، مجھے نہیں معلوم کون سی طاقت نے ان کو بتایاابھی تبادلہ نہیں ہورہا،انہوں نے کہا کہ سندھ کے ساتھ غیر مساوی سلوک غلط بات ہے ایسا نہیں ہونا چاہئے۔

مزید : قومی /علاقائی /سندھ /کراچی