مریم نواز نے پاکستان پہنچنے سے قبل پیغام جاری کر دیا
لاہور(ڈیلی پاکستان آن لائن ) مسلم لیگ ن کی سینئر نائب صدر مریم نواز نے کہا ہے کہ نواز شریف کی لیڈر شپ میں پاکستان کو بھنور سے نکالیں گے۔
تفصیلات کے مطابق مریم نواز آج شام امارات سے لاہور پہنچیں گی اور ان کی آمد کے لیے (ن) لیگ نے تیاریاں مکمل کرلی ہیں۔دبئی میں پارٹی رہنماو¿ں سے گفتگو کرتے ہوئے مریم نواز نے کہا کہ آنے والا وقت پاکستان مسلم لیگ (ن) کا ہے ، نواز شریف کی لیڈر شپ میں پاکستان کو بھنور سے نکالیں گے۔دوسری جانب کیپٹن (ر) صفدر نے کہا کہ مریم نواز اپنے والد کا نظریہ آگے چلانے کے لیے آرہی ہیں، الیکشن سے پہلے معیشت کو ٹھیک کرلیا جائے گا۔
