پنجاب حکومت کاسرکاری گاڑیوں کے غیر ضروری استعمال پر کریک ڈاؤن کاآغاز

                                                                                    لاہور(آن لائن) پنجاب حکومت نے سرکاری گاڑیوں کے غیر ضروری استعمال کے خلاف بڑے پیمانے پر کریک ڈاؤن کا آغاز کر دیا ہے۔ تمام محکموں کو ہدایت کی گئی ہے کہ دو ہفتوں کے اندر اضافی گاڑیاں واپس کر دی جائیں جبکہ افسران کو صرف منظور شدہ تعداد کے مطابق گاڑیاں رکھنے کی اجازت ہوگی۔حکومت نے لاگ بُک کے استعمال کو لازمی قرار دیا ہے، جس میں سفر کی تفصیل اور فیول کا ریکارڈ درج کرنا ہوگا۔ لاگ بُک میں غلط اندراج کرنے پر گاڑی کی سہولت معطل کی جا سکتی ہے اور اس کی ریکوری بھی ممکن ہوگی۔ ہنگامی استعمال کے لیے محکمہ سربراہ کی پیشگی منظوری ضروری ہوگی اور گاڑیوں کے استحقاق سے متعلق کیسز کے لیے ڈیوی ایشن کمیٹی قائم کی جائے گی۔ذرائع کے مطابق ہر محکمے میں گاڑیوں کی نگرانی کے لیے افسر نامزد کرنے کی ہدایت دی گئی ہے، جبکہ گاڑیوں کی خریداری کے لیے فنانس ڈیپارٹمنٹ کی پیشگی منظوری لازمی ہوگی۔ منصوبوں کی گاڑیاں مکمل ہونے کے بعد ٹرانسپورٹ پول میں جمع کرانے کا بھی حکم جاری کیا گیا ہے۔حکومت نے الیکٹرک اور ہائبرڈ گاڑیوں کی خریداری کو ترجیح دینے کا فیصلہ کیا ہے۔ علاوہ ازیں، کابینہ ارکان اور مشیروں کو گاڑیاں صرف ایڈیشنل چیف سیکرٹری کی منظوری کے بعد ہی فراہم کی جائیں گی۔

 سرکاری گاڑیاں