قدرتی آفات میں مددگار روبوٹک سانپ آگیا

نیویارک (ویب ڈیسک) امریکی ماہرین نے ایسا انوکھا روبوٹک سانپ تیار کیا ہے جو قدرتی آفات اور حادثات میں ریسکیو آپریشنز بخوبی سرانجام دے سکے گا۔ اس جدید ٹیکنالوجی کے حامل روبوٹک سانپ میں حقیقی سانپ کی طرح اپنے جسم کو ہرا کر زمین پر رینگنے، پانی میں تیرنے، درخت اور کھمبوں پر چڑھنے اور لپٹنے کی مکمل صلاحیت موجود ہے۔ ماہرین کا دعویٰ ہے کہ یہ اپنے ڈیزائن کی وجہ سے ہر ایسی جگہ آسانی سے پہنچ سکتا ہے جہاں ہیوی مشینری اور انسانوں کی رسائی ممکن نہیں۔ واضح رہے کہ روبوٹس کا استعمال وقت، پیسہ اور توانائی بچانے کے لئے شروع کیا گیا تھا اور اب روبوٹس طبی، سماجی اور دیگر شعبوں میں بھی مفید انداز میں استعمال کئے جارہے ہیں۔