شاہد خاقان عباسی کے حلقے میں دوبارہ گنتی، سینکڑوں لوگ جمع ہو گئے ، فوج بلا لی گئی کیونکہ ۔۔۔

شاہد خاقان عباسی کے حلقے میں دوبارہ گنتی، سینکڑوں لوگ جمع ہو گئے ، فوج بلا لی ...
شاہد خاقان عباسی کے حلقے میں دوبارہ گنتی، سینکڑوں لوگ جمع ہو گئے ، فوج بلا لی گئی کیونکہ ۔۔۔

  

مری (ڈیلی پاکستان آن لائن )ملک بھر کے عام انتخابات میں پاکستان تحریک انصاف اکثریتی جماعت بن کر سامنے آ ئی ہے اور اب تک 115 سیٹیں حاصل کر چکی ہے جبکہ ن لیگ 64 سیٹوں کے ساتھ دوسرے نمبر پر رہے تاہم مری کے حلقہ این اے 57 سے پاکستان تحریک انصاف کے صداقت خان کامیاب ہوئے اور سابق وزیراعظم شاہد خاقان عباسی کو شکست کا سامنا کرناپڑا تاہم اب مری میں صورتحال انتہائی پیچیدہ ہو چکی ہے اور ٹویٹر پر طوفان سابر پاہے ۔

ٹویٹر پر مری میں ہونے والے احتجاج کے بارے میں ٹویٹس کی جارہی ہیں اور ایک طوفان سا برپا ہے ، ن لیگی سپورٹرز کا کہناہے کہ شاہد خاقان عباسی کامیاب ہوئے ہیں لیکن انہیں مبینہ دھاندلی کے ذریعے ہرایا گیاہے۔ٹویٹر پر جاری پیغامات اور ویڈیو ز کے مطابق گزشتہ روز شاہد خاقان عباسی کے حلقہ میں دوبارہ گنتی کا عمل جاری تھا جوکہ روک دیا گیا اور آج دوبارہ کرنے کا فیصلہ کیا گیا گنتی کا عمل روکے جانے پر ن لیگی کارکنان نے مری میں سڑکوں میں احتجاج شروع کر دیا اور آج ہی گنتی کے عمل کو مکمل کرنے کا مطالبہ کیا ، حالات کشیدہ ہونے کے باعث کسی بھی ناخوشگوار صورتحال سے بچنے کیلئے پاک فوج نے علاقے میں امن و امان کی صورتحال برقرار رکھنے کیلئے کنٹرول سنبھالا ۔پاک فوج کی جانب سے مظاہرین کو کنٹرول کرنے اور بات چیت کے ذریعے معاملے کو حل کرنے کی کوشش بھی کی گئی تاہم مظاہرین کے اور جوانوں کے درمیان تلخ کلامی بھی دیکھنے میں آئی اور ن لیگی کارکنوں نے پیچھے ہٹنے سے انکار کر دیا ۔

آج صبح دوبارہ ووٹوں کی گنتی کا عمل ” ڈی آر او “ کے دفتر میں ہونا تھا لیکن ایک مرتبہ پھر سے اسے روک دیا گیاہے جبکہ وہاں پر فوج تعینات ہے جو کہ سیکیورٹی صورتحال کے پیش نظر موجود ہے ۔اس ویڈیو میں دیکھا جاسکتاہے کہ کسی کو بھی اندر جانے کی اجازت نہیں دی جارہی ہے جس کے باعث تلخ کلامی دیکھنے میں آ رہی ہے۔دونوں فریقین کی موجودگی کے بغیر ووٹوں کی گنتی کا عمل شروع نہیں ہو سکتا۔

مزید : قومی