تحریک انصاف کے رکن قومی اسمبلی عالمگیر خان کی گرفتاری کے بعدفوری رہائی

تحریک انصاف کے رکن قومی اسمبلی عالمگیر خان کی گرفتاری کے بعدفوری رہائی
تحریک انصاف کے رکن قومی اسمبلی عالمگیر خان کی گرفتاری کے بعدفوری رہائی

  IOS Dailypakistan app Android Dailypakistan app

کراچی (ڈیلی پاکستان آن لائن) کراچی پولیس نے تحریک انصاف کے ایم این اے عالمگیر خان کو5 ساتھیوں سمیت گرفتارکیا اور کچھ دیر تھانہ فیرئیر میں رکھ کر رہا کردیا ۔
دنیا نیوز کے مطابق عالمگیر خان کو ساتھیوں سمیت اس وقت گرفتار کیا گیا جب وہ پریس کانفرنس کرنے تین تلوار پہنچے تھے ۔گرفتار افراد کو مختلف تھانوں جبکہ عالمگیر خان کوفیرئیر تھانے میں منتقل کیا جہاں سے کچھ دیر بعد رہا کردیا گیا ۔
ایس ایس پی ساﺅتھ شیراز نذیر نے کہاہے کہ ڈپٹی کمشنر سے بات ہوئی ہے اور کسی کو سڑک پر پریس کانفرنس کرنے کی اجازت نہیں دی جاسکتی۔انہوں نے کہا کہ پیپلز پارٹی کے 10اور تحریک انصاف کے 40کارکن زیر حراست ہیں ۔
واضح رہے کہ وزیر بلدیات سعید غنی کے دفتر کے باہر فکس اٹ کے کارکنوں کے احتجاج کے دوران پیپلز پارٹی اور فکس اٹ کے کارکنوں میں تصادم ہوا جس پر کراچی پولیس کی طرف سے گرفتاریاں کی گئی ہیں۔

مزید :

قومی -