غیر ملکی کھلاڑی نہ آئے تو بھی پی ایس ایل مکمل کرینگے، پی سی بی

غیر ملکی کھلاڑی نہ آئے تو بھی پی ایس ایل مکمل کرینگے، پی سی بی

  

لاہور (سپورٹس رپورٹر) پاکستان کرکٹ بورڈ کا کہنا ہے کہ اگر غیر ملکی کھلاڑی پاکستان نہ آئے تو پاکستانی کھلاڑیوں کے ساتھ پاکستان سپر لیگ فائیو میچ کرائے جائیں گے۔ ایک فرنچائز کی جانب سے یہ غلط تاثر دیا جارہا ہے کہ موجودہ حالات میں پاکستان سپر لیگ فائیو کے بقیہ چار میچ نہیں ہوں گے اور ملتان سلطانز کو فاتح قرار دے دیا جائے گا۔ذرائع کا کہنا ہے کہ چیئرمین پی سی بی احسان مانی نے گذشتہ ماہ پی ایس ایل گورننگ کونسل میٹنگ میں فرنچائز مالکان کو یقین دلایا تھا کہ بقیہ چار میچ کراکر ٹورنامنٹ نومبر میں مکمل کیا جائے گا۔

ذرائع کا کہنا ہے کہ پی ایس ایل کی دو فرنچائز نے ابھی اتک اپنے بقایا جات ادا نہیں کئے ہیں۔ پی سی بی کے پاس ان کی گارنٹی منی کیش کرانے کا ا?پشن موجود ہے۔جبکہ اگلے ماہ تمام چھ فرنچائز کو سالانہ فیس دوبارہ ادا کرنا ہوگی۔ دوسری جانب پی سی بی نے پی ایس ایل کے ڈیجیٹل حقوق ایک ویب سائٹ کو دیئے تھے۔ وہ ویب سائٹ اب دیوالیہ ہوچکی ہے اور اسے پی سی بی کے بھی کروڑوں روپے ادا کرنا ہیں۔

مزید :

کھیل اور کھلاڑی -