ذہین پاکستانی چوکیدار جس نے ایم فل کی ڈگری حاصل کرلی
پشاور (ویب ڈیسک) پشاور یونیورسٹی کے شیخ زید اسلامک سینٹر میں بحیثیت چوکیدار تعینات نور مرجان خان نے اپنی محنت اور لگن کی بدولت ایم فل کی ڈگری حاصل کرلی۔نور مرجان خان کا تعلق خیبرپختونخوا کے ضلع خیبر سے ہے، وہ گزشتہ 20 سال سے چوکیداری کی ملازمت کر رہے ہیں اور ساتھ ہی انہوں نے تعلیم بھی جاری رکھی۔
نور مرجان کا کہنا ہے کہ جس مقصد کے لیے اعلیٰ تعلیم حاصل کی تھی، وہ خواب ابھی پورا نہیں ہوا ہے۔نور مرجان خان کا کہنا ہے کہ ’میں 20 سال قبل میٹرک کے بعد بطور چوکیدار بھرتی ہوا تھا، اب میں ایم فل کی ڈگری بھی حاصل کر چکا ہوں لیکن اب بھی چوکیدار ہی ہوں اور پتہ نہیں کب تک چوکیدار ہی رہوں گا۔‘
نور مرجان سال 2001 میں میٹرک تعلیم پر چوکیدار بھرتی ہوئے ۔اب ایم فل کر چکےہیں۔ لیکن عہدہ آج بھی چوکیدار
— Noor Muhammad (@NoorMMHD26) July 26, 2020
افسوس???? #نمود_عشق#قلمکار#پیام_ادب pic.twitter.com/iIt7JZBT3R
نور مرجان نے اسلامیات میں ایم فل کیا اور ان کے مقالے کا موضوع قبائلی اضلاع کے رسم و رواج کا ہندوئوں اور سکھوں کے رسم و رواج کے ساتھ تقابلی جائزہ تھا۔شیخ زید اسلامک سینٹر میں چوکیدار کی ڈیوٹی سر انجام دینے والے نور مرجان خان نے حکومت اور یونیورسٹی کی انتظامیہ سے درخواست کرتے ہوئے کہا کہ میری درخواست یہی ہے کہ مجھے اپنی تعلیم کے مطابق کوئی ڈیوٹی دی جائے۔
نور مرجان خان کا کہنا ہے کہ ’میں نے بی ایڈ اور ایم ایڈ سمیت ایم فل بھی کیا ہے جو تعلیم کے شعبے سے تعلق رکھتا ہے، اس لیے اگر مجھے لیکچرر نہیں تو کم از کم ٹیچنگ اسسٹنٹ کی ہی ڈیوٹی دے دی جائے تاکہ میں اپنی تعلیم کو بچوں کے بہتر مستقل کے لیے استعمال کر سکوں۔‘
ایم فل سکالر چوکیدار کے ساتھ ،نورمر جان کا تعلق ضلع خیبر سے ہے شیخ زید اسلامک سنٹر میں گزشتہ بیس سالوں سے بطور چوکیدار ملازمت کرتا ہے اور اسی دوران انہوں تعلیم بھی جاری رکھتے ہوئے اسلامک اسٹیڈیز میں ایم فل مکمل کی بدقسمتی سے انہیں چوکیدار سے اگے بڑھنے کا موقع نہیں دیا pic.twitter.com/umTkD94lJo
— Abdul Qayum Afridi (@abdulqayum6) July 26, 2020
نور مرجان نے پشاور یونیورسٹی میں چوکیدار کی تنخواہ پر مختلف شعبوں میں بھی ملازمت کی ہے۔ انہوں نے بتایا کہ چار سال تک سپرنٹنڈنٹ امتحانات کی ذمہ داری نبھائی اور یونیورسٹی کے ہاسٹل میں کلرک کے فرائض سر انجام دیئے۔