مشاہد اللہ نے سابق چیف جسٹس ثاقب نثار پر حیران کن الزام لگادیا

اسلام آباد (ڈیلی پاکستان آن لائن )مسلم لیگ ن کے رہنما سینیٹر مشاہد اللہ نے سابق چیف جسٹس آف پاکستان ثاقب نثار کو پی ٹی آئی کا ورکر قرار دے دیا۔سینیٹر مشاہداللہ نے سینیٹ اجلاس سے خطاب میں سابق چیف جسٹس ثاقب نثار کو تنقید کا نشانہ بنایا، ساتھ ہی ججز پر بھی تنقید کی۔ کہا جو چھوٹے ملازمین اور لیبر ہیں ان کو نکالنے میں چوبیس گھنٹے لگائے ہیں، ان کو نکالتے ہیں اور جو بڑے ملازمین ہیں ان کو نہیں نکالتے جو اصل میں مجرم ہیں، میں نے کہا تھا ان کو سزا دی جائے، یہ سب ثاقب نثار کرکے گئے ہیں۔مشاہداللہ نے سابق چیف جسٹس ثاقب نثار کے حوالے سے کہا کہ وہ پی ٹی آئی کے ورکر تھے اور اب بھی ان کے ورکر ہیں، بڑا مال بنایا ہیں انہوں نے سارا کچھ کھا گئے، ڈیم فنڈ بھی کھا گئے۔