شیخ رشید نے نالہ لئی منصوبے سے متعلق بڑ ااعلان کر دیا
راولپنڈی ( ڈیلی پاکستان آن لائن ) وزیر داخلہ شیخ رشید نے نالہ لئی کا دورہ کیا اور حالات کا جائزہ ، وفاقی وزیر نے کہا کہ نالہ لئی سے متعلق عمران خان، عثمان بزدار اور نیسپاک سے میٹنگز جاری ہیں ،انشاءاللہ اسی سال نالہ لئی کا منصوبہ شروع ہوگا۔
میڈیا سے گفتگو کرتے ہوئے شیخ رشید احمد کا کہنا تھا کہ نالہ لئی کے آس پاس جتنی بھی آبادی ہے ہمارے لئے قیمتی ہے ، واسا سمیت ریسکیو کیلئے پولیس فوج اور لوکل انتظامیہ موجود ہے ، نالہ لئی راولپنڈی کا واحد بڑا مسئلہ ہے ، نالہ لئی منصوبہ جب شروع کیا تھا تو 26ارب کا تھا اب 90 ارب روپے تک پہنچ گیاہے ۔
وزیر داخلہ نے کہا کہ اسلام آباد کے سارے نالوں پر لوگوں نے قبضے کئے ہیں ، نالہ لئی منصوبے کے افتتاح کی خوشخبری 90روز کے اندر دیں گے ۔
