آن لائن گیم کے جنون میں مبتلاء خاتون اپنے شوہر کیخلاف ہی عدالت پہنچ گئی لیکن کیوں؟ وجہ بھی سامنے آگئی
دبئی (ویب ڈیسک) آن لائن گیم کے جنون میں مبتلاء خاتون نے اپنے شوہر کے خلاف مقدمہ درج دائر کردیا، یہ اطلاع اخبار 24 نے دی تاہم مملکت کا نام واضح نہیں کیا۔
بتایا گیا ہے کہ واقعہ عید الاضحیٰ کے روز پیش آیا جب خاتون کے گھر مہمان آئے اور شوہر نے خاتون سے مہمانوں کیلئے قہوہ بنانے کا مطالبہ کیا لیکن خاتون گیم کھیلنے میں قہوہ بنانا بھول گئیں۔مہمانوں کی خاطر تواضح نہ کرنے اور گیم کھیلنے پر شوہر نے خاتون کی پٹائی کر دی۔ خاتون نے شوہر کے تشدد کے خلاف تھانے میں شکایت درج کرائی، جس میں کہا کہ مارنے سے انہیں نفسیاتی اور جسمانی نقصان ہوا ہے جس کی تلافی کا وہ مطالبہ کریں گی۔
خاتون نے اپنی شکایت میں مزید کہا کہ شوہر مجھے آن لائن کھیلنے سے روکتے ہیں حالانکہ میں گھر کی تمام ذمہ داریاں پوری طرح سے ادا کرتی ہوں۔
