مچھلی اور اس کی مصنوعات کی برآمدات میں اضافہ

 اسلام آباد(اے پی پی):مچھلی اور اس کی مصنوعات کی برآمدات میں جون کے دوران سالانہ بنیادوں پر 35.51 فیصد اضافہ ریکارڈ کیا گیا ہے ۔ ادارہ برائے شماریات پاکستان کی طرف سے جاری کردہ اعدادوشمار کے مطابق جون 2022 کے مقابلے میں جون 2023 کے دوران مچھلی اور اس کی مصنوعات کی برآمدات میں 35.51 فیصد اضافہ ہوا ہے 

۔جون 2022 کے دوران 8.4ارب روپے کی مچھلی اور اس کی مصنوعات کی برآمد کی گئیں جبکہ جون 2023 کے دوران برآمدات کا حجم 11.4ارب روپے رہا ۔ اس طرح مچھلی اور اس کی مصنوعات کی برآمدات میں سالانہ بنیادوں پر 35.51 فیصد کا اضافہ ریکارڈ کیا گیا ہے ۔