یوم عاشور حق اور باطل کے لازوال معرکے کی یاد دلاتا ہے،سبطین خان

لاہور ( نمائندہ خصوصی)سپیکر محمد سبطین خان نے یومِ عاشور پر اپنے پیغام میں کہا ہے کہ یومِ عاشور حق و باطل کے اس لازوال معرکے کی یاد دلاتا ہے۔ جب سیدنا امام حسین علیہ اسلام کی قیادت میں جذبہ ایمانی سے سرشار جماعت نے باطل کی اطاعت سے انکار کیا اور حق کی سربلندی کے لیے خود سے بظاہر طاقتور گروہ کے سامنے سینہ سپر ہو گئی اور یوں اصولوں پر سمجھوتہ نہ کرتے ہوئے تا قیامت عزم و ہمت اور بہادری کا استعارہ بن گئی۔ سپیکر پنجاب اسمبلی محمد سبطین خان نے مزید کہا کہ دین اسلام کے جن اصولوں کی خاطرحضرت امام حسین ؓ آلِ رسول کی شہادت پیش کی،ان اصولوں کی علمبرداری کے لیے ہم بھی قربانی پیش کرنے سے کبھی پیچھے نہ ہٹیں،شہادت حضرت امام حسین ؓ کا یہ پیغام ہے کہ باطل بظاہر جتنا بھی عروج پر ہو اس نے بالاخر مٹنا ہوتا ہے اور حق کو جتنا بھی دبایا جائے۔

 اس نے قائم رہنا ہوتا ہے،اللہ تعالیٰ سے دعا ہے کہ وہ ہمیں حضرت امام حسین علیہ اسلام کے جذبہ شہادت، ایثار، قربانی اور حق پرستی کو اپنے اندر تازہ کرنے کی توفیق عطاءفرمائے تاکہ ہم ملک وملت کی سربلندی کے لیے ہر قربانی کے لیے تیار ہوں۔