رانا ثناءاللہ نے نوازشریف کی واپسی اور بعد کی حکمت عملی بتا دی

 لاہور (ڈیلی پاکستان آن لائن) وفاقی وزیر داخلہ رانا ثناءاللہ نے مسلم لیگ (ن) کے قائد نوازشریف کی واپسی اور بعد کی حکمت عملی بتا دی۔

نجی ٹی وی جیو نیوز کے مطابق (ن) لیگی رہنما رانا ثناءاللہ کا کہنا تھا کہ نوازشریف جلد واپس آئیں گے۔ حفاظتی ضمانت لیں گے اور عدالتوں میں پیش ہو کر مقدمات سے بری ہو جائیں گے۔ انہوں نے کہا کہ یہ کہنا درست نہیں کہ نگراں وزیراعظم کیلئے اسحاق ڈار کا نام دیا گیا اور مسترد ہو گیا، اسحاق ڈار کا نام کسی نے پیش ہی نہیں کیا۔

رانا ثناءاللہ کا مزید کہنا تھا کہ یہ نہیں کہا جا سکتا کہ ملک میں امن و امان کی صورت حال خراب ہے، خیبرپختونخوا میں دہشت گردی ضرور سر اٹھا رہی ہے تاہم قانون نافذ کرنیوالے ادارے نیک نیتی اور بہادری سے دہشت گردوں کو مقابلہ کر رہے ہیں۔