چلی کی خاتون نے اسلام قبول کرکے چارسدہ کے شہری سے بیاہ رچالیا

سانٹیاگو ( ڈیلی پاکستان آن لائن) جنوبی امریکی ملک ’چلی‘ سے پاکستان آنے والی خاتون نے اسلام قبول کرکے چارسدہ سے تعلق رکھنے والے ٹک ٹاکر اکرام اللہ سے شادی کرلی۔

ڈان اخبار کی رپورٹ کے مطابق نکولی انارا گلسالوس نامی خاتون کی خیبرپختونخوا کے شہر چارسدہ کے گائوں بھوساخیل سے تعلق رکھنے والے ٹک ٹاکر اکرام اللہ سے سوشل میڈیا پر دوستی ہوئی تھی۔خاتون تین روز قبل چارسدہ پہنچی تھی، بعد ازاں لڑکی نے اسلام قبول کیا اور اپنا نام تبدیل کر کے نورین رکھ لیا، جس کے بعد جوڑے کو مقامی عدالت میں لایا گیا، جہاں دونوں کا نکاح پڑھایا گیا۔اکرام اللہ نے بتایا کہ وہ سوشل میڈیا پلیٹ فارم ٹک ٹاک پر ویڈیوز اپ لوڈ کرتے تھے، انہوں نے پہلی بار نکولی انارا گلسالوس (نورین) کو رواں سال اپریل میں دیکھا تھا اور جلد ہی ان کے درمیان دوستی ہو گئی تھی۔قبل ازیں 25 جولائی 2023 کو یہ خبر سامنے آئی تھی کہ بھارت سے پاکستان آنے والی خاتون انجو نے اپر دیر سے تعلق رکھنے والے اپنے ’فیس بک دوست‘ نصر اللہ سے کورٹ میرج کرلی ہے۔35 سالہ انجو 2 بچوں کی ماں ہیں جو نصراللہ سے ملنے کے لیے گزشتہ ہفتے راجستھان سے پاکستان پہنچی تھی۔

رپورٹس کے مطابق انجو قانونی دستاویزات کے ذریعے پاکستان پہنچی، انہوں نے پہلے اسلام قبول کیا اور اپنا نام تبدیل کر کے فاطمہ رکھ لیا۔