عمران خان اہلیہ کے ہمراہ پاکپتن پہنچ گئے، دربار بابا فرید گنج شکرپر حاضری، نوافل ادا کیے

عمران خان اہلیہ کے ہمراہ پاکپتن پہنچ گئے، دربار بابا فرید گنج شکرپر حاضری، ...
عمران خان اہلیہ کے ہمراہ پاکپتن پہنچ گئے، دربار بابا فرید گنج شکرپر حاضری، نوافل ادا کیے

  

پاکپتن (ڈیلی پاکستان آن لائن ) تحریک انصاف کے چیئرمین عمران خان نے اہلیہ کے ہمراہ پاکپتن میں دربار بابا فرید مسعود گنج شکرؒپر حاضری دی اور نوافل ادا کیے، حاضری دیتے وقت عمران خان اور ان کی اہلیہ کی ویڈیو بھی منظرعام پر آگئی جس میں عمران خان کو مزار کے سامنے دروازے پر فرش کو چومتے ہوئےبھی دیکھا جاسکتا ہے۔

تفصیلات کے مطابق عمران خان اور ان کی اہلیہ رات گئے پاکپتن پہنچے، انہوں نے دربار بابا فرید الدین گنج شکرؒ پر پھولوں کی چادر چڑھائی۔ اس موقع پر انہوں نے نوافل ادا کیے، ملکی سلامتی اور الیکشن میں کامیابی کے لئے خصوصی دعا ئیں مانگیں۔

عمران خان کے ہمراہ ان کے قریبی دوست زلفی بخاری بھی تھے، چیئرمین تحریک انصاف عمران خان اور ان کی اہلیہ بشری مانیکا نے کارکنوں اور زائرین میں مٹھائی تقسیم کی۔

اس سے پہلے عمران خان دربار آمد پر تحریک انصاف کے ٹکٹ ہولڈر دیوان عظمت چشتی اور پیر احمد شاہ کھگہ ان کا استقبال کیا۔ تقریباً پونے گھنٹے بعد چیئرمین تحریک انصاف واپس لاہور چلے گئے۔ویڈیودیکھئے 

ضرور پڑھیں: بے ادب بے مراد

مزید : اہم خبریں /قومی