”چیمپیئنز ٹرافی میں پاکستان اور بھارت کا میچ فکس تھا “ سابق کھلاڑی نے تہلکہ خیز دعویٰ کردیا

”چیمپیئنز ٹرافی میں پاکستان اور بھارت کا میچ فکس تھا “ سابق کھلاڑی نے تہلکہ ...
”چیمپیئنز ٹرافی میں پاکستان اور بھارت کا میچ فکس تھا “ سابق کھلاڑی نے تہلکہ خیز دعویٰ کردیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

لاہور (ڈیلی پاکستان آن لائن) سابق اولمپیئن زاہد شریف نے الزام عائد کیا ہے کہ پاکستان اور بھارت کے مابین چیمپیئنز ٹرافی کے مابین کھیلا جانے والا میچ فکس تھا ، اس میچ میں پاکستان کو 4 صفر سے شکست ہوئی تھی ۔

نجی ٹی وی ہم نیوز کے مطابق ہالینڈ میں ہاکی چیمپیئنز ٹرافی کا آغاز 23 جون کو ہوا تھا جس کا پہلا میچ پاکستان اور بھارت کے مابین کھیلا گیا ۔ سابق اولمپیئن زاہد شریف نے دعویٰ کیا ہے کہ چیمپیئنز ٹرافی کا پاک بھارت میچ فکس تھا۔ انہوں نے الزام لگایا کہ میچ فکسنگ میں بھارت سے کوچنگ کرکے آنے والے ہیڈ کوچ رولنٹ آلٹمنز نے اہم کردار ادا کیا ہے۔

زاہد شریف نے کہا کہ میچ ہارنے والی ٹیم کے گول کیپرکو باہر بلایا جانا ’ فکسنگ ‘ تھا۔ انہوں نے چیف جسٹس، آرمی چیف اور صدر پاکستان سے تحقیقات کرانے کا مطالبہ کیا ہے۔

واضح رہے کہ ہاکی چیمپیئنز ٹرافی میں 6 ٹیمیں حصہ لے رہی ہیں۔ پاکستان اور بھارت کے مابین کھیلے گئے میچ میں انڈیا نے گرین شرٹس کو 4 صفر گولز سے شکست دی تھی۔

مزید : کھیل