ماورا حسین کا غریب نوجوان کی یونیورسٹی فیس ادا کرنے کا اعلان

ماورا حسین کا غریب نوجوان کی یونیورسٹی فیس ادا کرنے کا اعلان
 ماورا حسین کا غریب نوجوان کی یونیورسٹی فیس ادا کرنے کا اعلان

  

 لاہور(فلم رپورٹر)اداکارہ ماورا حسین نے آزاد کشمیر سے تعلق رکھنے والے ایک غریب نوجوان کی یونیورسٹی فیس ادا کرنے کا اعلان کردیا۔ ماریہ احمد نامی خاتون صارف نے ماورہ حسین کی انسٹاگرام پوسٹ پر اپنے بھائی کی یونیورسٹی فیس کی ادائیگی کے لئے مدد کی اپیل کی۔ اداکارہ نے اپنی اس پوسٹ میں فہد مصطفیٰ کو سالگرہ کی مبارکباد دی تھی۔اس پوسٹ پر ماریہ نامی ایک خاتون نے بھی ماورا کو اپنی پریشانی بارے بتایا۔ماریہ کے مطابق ان کے والدین 2005 میں آزاد کشمیر کے زلزلے میں دنیا سے رخصت ہو گئے تھے۔ وہ اور اس کا بھائی انتہائی مشکل حالات میں بھی تعلیم کا سلسلہ جاری رکھے ہوئے ہیں۔ بھائی ایک دکان پر ملازمت کرتا ہے جبکہ اور ہوم ٹیوشن بھی پڑھاتا ہے

ماریہ نے بتایا کہ ’آج میرے بھائی کا داخلہ ملک کی اچھی یونیورسٹی میں ہوا ہے مگر ہم اتنے غریب ہیں کہ داخلہ فیس نہیں ادا کر سکتے، اگر بھائی نے فیس جمع نہ کرائی تو داخلہ ضائع ہو جائے گا اور اس کی پوری زندگی کی محنت پر پانی پھیر جائے گا۔‘ ماریہ نے کہا کہ وہ اپنے بھائی کی فیس کیلئے یہاں درخواست کرنے پر شرمندہ ہیں۔ انہوں نے ان تمام لوگوں سے رابطہ کرنے کی درخواست کی جو ان کے بھائی کی فیس ادا کرنے کی استطاعت رکھتے ہوں۔خاتون فالور کی درخواست پر ماورا حسین نے فوری جواب دیا اور کہا کہ انہیں یونیورسٹی فیس براہ راست ادا کرنے میں خوشی ہوگی۔ ’میں آپ کو ڈائریکٹ میسج نہیں کرسکتی اس لئے مجھے اپنی تفصیلات سے آگاہ کردیں جس کے بعد میری ٹیم آپ سے جلد از جلد رابطہ کرے گی‘۔ اداکارہ نے خاتون کو نصیحت کی کہ وہ اللہ کی ذات پر بھروسہ رکھیں کیونکہ اگر اللہ نے ا?پ سے کچھ لیا ہے تو وہ اس سے بہتر چیز کے ساتھ ا?پ کو نوازے گا۔

مزید :

کلچر -