ورلڈکپ،بھارت نے ویسٹ انڈیز کو 125رنز سے شکست دے دی

ورلڈکپ،بھارت نے ویسٹ انڈیز کو 125رنز سے شکست دے دی

  

مانچسٹر (آئی این پی)آئی سی سی کرکٹ ورلڈ کپ 2019کے 34ویں میچ میں بھارت نے ویسٹ انڈیز کو یکطرفہ مقابلے کے بعد 125رنز سے شکست دے دی۔بھارت نے پہلے کھیلتے ہوئے ویسٹ انڈیز کو جیت کے لیے 269 رنز کا ہدف دیا ہے تاہم ویسٹ انڈیز کی پوری ٹیم 34.2 اوورز میں 143 رنز بناکر ڈھیر ہوگئی۔میچ میں کامیابی کے بعد بھارت پوائنٹس ٹیبل پر دوسرے نمبر پر پہنچ گیا ہے، اس نے 6 میچز میں 11 پوائنٹس حاصل کیے ہیں۔مانچسٹر کے اولڈ ٹریفورڈ گرانڈ میں کھیلے گئے میچ میں بھارتی کپتان ویرات کوہلی نے ٹاس جیت کر پہلے بیٹنگ کا فیصلہ کیا تو کے ایل راہول اور روہت شرما نے اننگز کا آغاز کیا۔بھارتی اوپنرز ٹیم کو اچھا آغاز فراہم نہ کرسکے، ٹیم کا مجموعی سکور 29 تک پہنچا تو روہت شرما 18 رنز بنا کر کیمار روچ کا شکار بن گئے۔دوسرے اوپنر کے ایل راہول بھی 48 رنز بنا کر ہولڈر کی گیند پر بولڈ ہوگئے۔ نئے آنے والے بلے باز وجے شنکر اور کیدار جادیو بھی زیادہ دیر کریز پر ٹھہر سکے اور دونوں کھلاڑی بالترتیب 18 اور 7 رنز بنا کر آٹ ہوئے۔کپتان ویرات کوہلی نے ایک بار پھرشاندار بیٹنگ کا مظاہرہ کرتے ہوئے ٹورنامنٹ میں چوتھی لگاتار نصف سنچری مکمل کی اور وہ 72 رنز بنا کر آؤٹ ہوئے۔بھارتی وکٹ کیپر مہندرا سنگھ دھونی نے بھی ذمے دارانہ بیٹنگ کا مظاہرہ کرتے ہوئے 56 رنز کی اننگز کھیلی جب کہ ہاردک پانڈیا نے 38 گیندوں پر 46 رنز کی تیز اننگز کھیلی۔بھارت نے مقررہ 50 اوورز میں 7 وکٹوں کے نقصان پر 268 رنز بنائے جب کہ ویسٹ انڈیز کی جانب سے کیمار روچ نے تین اور کوٹریل اور جیسن ہولڈر نے دو دو کھلاڑیوں کو آؤٹ کیا۔جواب میں ویسٹ انڈیز کی پوری ٹیم 34.2 اوورز میں 143 رنز بناکر آٹ ہوگئی۔ ویسٹ انڈیز کی جانب سے سنیل امبریس 31 رنز بناکر ٹاپ سکورر رہے۔

میچ

مزید :

صفحہ اول -