مریم کو اے پی سی میں ہونیوالی ناکامی پر پشیمان ہونا چاہیے،ڈاکٹر شہباز گل

مریم کو اے پی سی میں ہونیوالی ناکامی پر پشیمان ہونا چاہیے،ڈاکٹر شہباز گل

  

لاہور (این این آئی) ترجمان وزیراعلیٰ پنجاب ڈاکٹر شہباز گل نے کہا ہے کہ مریم صفدر کو اے پی سی سے ہونیوالی ناکامی پر پشیمان ہونا چاہیے،عوام بیگم صفدر کی مایوسی کو سمجھ سکتے ہیں،مریم بی بی والد کی صحت پر عوام سے بلاناغہ جھوٹ بولتی ہیں جبکہ نوازشریف صاحب کی صحت معمول کے مطابق ٹھیک ہے،میاں صاحب خوش خوراک ہیں،روٹین سے گوشت کھا رہے ہیں،جیل میں روزانہ صبح شام کارڈیالوجسٹ ان کا معائنہ کرتے ہیں۔ ترجمان وزیراعلیٰ پنجاب ڈاکٹر شہباز گل نے مریم نواز کے بیان پر ردعمل کا اظہار کرتے ہوئے کہاکہ مریم نواز کے ہمراہ کیپٹن صفدر،صاحبزادے جنید صفدر،نوازشریف کی والدہ اور یوسف عباس شریف نے ملاقات کی ہر ملاقات پر 200سے250لوگوں کا میلہ لگانا جیل حکام کے لیے مشکلات پیدا کرتا ہے۔ڈاکٹر عدنان انکے ذاتی ملازم ہیں نوازشریف کی صحت کے حوالے سے غلط بیانی کرتے ہیں،نواز شریف کے ذاتی معالج ڈاکٹر عدنان کارڈیالوجسٹ نہیں،پنجاب حکومت نے جیل میں 21 کارڈیالوجسٹ تعینات کر رکھے ہیں۔انہوں نے کہا کہ مریم بی بی کو اپنے والد کی صحت پر سیاست نہیں کرنی چاہئے۔عوام کو گمراہ کرنے اور غلط بیانی کرنے کی بجائے اپنی چوری کا حساب دیں۔

ڈاکٹر شہباز گل

مزید :

صفحہ اول -