حکومت عمران خان کی مگر راج مافیاز کر رہے ہیں،مولابخش چانڈیو

حکومت عمران خان کی مگر راج مافیاز کر رہے ہیں،مولابخش چانڈیو

  

اسلام آباد(آئی این پی)پیپلز پارٹی کے مرکزی ترجمان سینیٹر مولابخش چانڈیو نے کہا ہے کہ حکومت عمران خان کی مگر راج مافیاز کر رہے ہیں، ادویات، آٹے اور چینی کے بعد پیٹرولیم کے سکینڈل مافیاز کی حکمرانی کی دلیل ہے،کورونا کے معاملے پر بھی عمران خان حکومت نے عوام پر عذاب پر عذاب ڈھائے ہیں، یہ جمہوری حکومت نہیں یہ مصنوعی جمہوریت ہے، اس حکومت کا حشر بھی وہی ہوگا جو ماضی میں زوال پذیر مصنوعی جمہوریتوں کا ہوا۔ہفتہ کو اپنے ایک بیان میں پیپلز پارٹی مرکزی ترجمانسینیٹر مولابخش چانڈیو نے کہا کہ پی ٹی آئی کی حکومت نام کی ہے، اصل اختیار تو مافیاز استعمال کر رہے ہیں،دو سالوں میں عمران خان نے جس جس کو مافیا کہا اس کے سامنے گھٹنے ٹیکے، اقتدار میں آتے ہی عمران خان نے مافیا اور ذخیرہ اندوزوں کے سہولت کار کا کردار ادا کیا۔انہوں نے کہا کہ ادویات، آٹے اور چینی کے بعد پیٹرولیم کے سکینڈل مافیاز کی حکمرانی کی دلیل ہے، عمران خان مافیاز کے بجائے عوام کے سامنے دستبردار ہوں اور اقتدار چھوڑ دیں، عوام کے صبر کو اب مزید نہیں آزمایا جا سکتا، مزید ایک دن بھی حکومت کو برداشت نہیں کیا جا سکتا، عمران خان ملک کو بحرانوں میں مبتلا کئے جا رہے ہیں مگر اس کی کوئی روک ٹوک نہیں،اپوزیشن کو دبانے کیلئے احتساب کے نام پر انتقام لیا جاتا ہے، مافیا کو پوچھنے والا کوئی نہیں،کورونا کے معاملے پر بھی عمران خان حکومت نے عوام پر عذاب پر عذاب ڈھائے ہیں، یہ جمہوری حکومت نہیں یہ مصنوعی جمہوریت ہے، اس حکومت کا حشر بھی وہی ہوگا جو ماضی میں زوال پذیر مصنوعی جمہوریتوں کا ہوا۔

مولابخش چانڈیو

مزید :

صفحہ آخر -