میوہسپتال لاہور میں کورونا کے 2 کنفرم مریض جاں بحق

میوہسپتال لاہور میں کورونا کے 2 کنفرم مریض جاں بحق
میوہسپتال لاہور میں کورونا کے 2 کنفرم مریض جاں بحق

  

لاہور(ڈیلی پاکستان آن لائن)میوہسپتال میں کورونا کے 2 مریض انتقال کرگئے،میوہسپتال میں کورونا سے ہلاکتوں کی تعداد 287 ہو گئی۔

نجی ٹی وی 92 نیوز کے مطابق سی ای او میوہسپتال پروفیسر اسد اسلم نے کہاہے کہ میوہسپتال میں آج کورونا کے مزید 2کنفرم مریض جاں بحق ہو گئے،ہسپتال میں کورونا سے جاں بحق ہونے والوں کی تعداد287 ہو گئی۔

یاد رہے کہ پاکستان میں گزشتہ 24 گھنٹوں کے دوران کورونا کے سبب مزید 83 اموات رپورٹ ہوئیں جس کے بعد اموات کی مجموعی تعداد 4 ہزار 118 ہو گئی ہے۔ ملک بھر سے کورونا وائرس کے مزید 4 ہزار 72 کیسز رپورٹ ہوئے جس کے بعد متاثرہ افراد کی تعداد 2 لاکھ 2 ہزار 955 ہو گئی۔

نیشنل کمانڈ اینڈ آپریشن سنٹر کی جانب سے جاری کیے گئے اعدادوشمار کے مطابق ملک بھر میں کورونا سے متاثرہ 86 ہزار 906 مریض صحت یاب ہو گئے۔پاکستان کے صوبہ پنجاب میں کورونا کے اب تک 72 ہزار 880 کیسز رپورٹ ہو چکے ہیں۔ سندھ میں 76 ہزار 318، خیبرپختونخوا میں 24 ہزار 943، بلوچستان میں 10 ہزار 116، اسلام آباد میں 12 ہزار 206، آزادکشمیر میں 1,003 اور گلگت بلتستان میں ایک ہزار 417 کیسز رپورٹ ہو چکے ہیں۔

کورونا وائرس کے باعث سب سے زیادہ اموات پنجاب میں ہوئی ہیں جہاں ایک ہزار 656 افراد جان کی بازی ہار چکے ہیں۔ سندھ میں ایک ہزار 205، خیبر پختونخوا میں 890، اسلام آباد میں 120، گلگت بلتستان میں 23، بلوچستان میں 113 اور آزاد کشمیر میں 28 افراد کورونا وائرس سے جاں بحق ہو چکے ہیں۔ملک بھر میں 24 گھنٹوں کے دوران 21 ہزار تینتس ٹیسٹ کیے گئے جب کہ مجموعی طور پر 12 لاکھ 14 ہزار 140 ٹیسٹ کیے جا چکے ہیں۔

مزید :

علاقائی -پنجاب -لاہور -کورونا وائرس -