اداکارہ منال خان کا بذریعہ سڑک لاہور سے کراچی جانے کا خواب ادھورا رہ گیا کیونکہ۔۔۔
لاہور (ویب ڈیسک) پاکستان ٹی وی انڈسٹری کی معروف اداکارہ منال خان کا کہنا ہے کہ پیٹرول کی قیمتیں بڑھنے سے ان کا بذریعہ سڑک سفر کرنے کا خواب ادھورا رہ گیا۔سماجی رابطے کی ویب سائٹ ٹوئٹر پر اداکارہ نے پیٹرول کی قیمت میں اضافے پر ردعمل دیتے ہوئے لکھا کہ ان کا خیال تھا کہ لاہور سے کراچی کا سفر بذریعہ سڑک کرنا سستا ہے۔
And i thought traveling by road was cheaper , just got the news on my way back from Lahore what a timing i swear! #PetrolPrice #PetrolPriceHike
— Minal Khan (@MinalKofficial) June 27, 2020
اداکارہ نے لکھا کہ انہیں لاہور سے واپسی کے سفر کے دوران ہی یہ خبر مل گئی کہ پیٹرول کی قیمتوں میں اضافہ ہوگیا ہے۔
واضح رہے کہ حکومت کی جانب پیٹرولیم مصنوعات کی قیمتوں میں اضافے کا اعلان کے سامنے آتے ہی سوشل میڈیا پر مشہور شخصیات سمیت عام سوشل میڈیا صارفین اپنا ردعمل دے رہے ہیں.عوام کی جانب سے حکومت کی جانب سے پیٹرول کی قیمت میں اضافے کو ملکی تاریخ کا سب سے بڑا اضافہ قرار دیتے ہوئے سخت تنقید کا نشانہ بنایا جارہا ہے۔
منال خان سے قبل فہد مصطفیٰ ، اعجاز اسلم اور وینا ملک بھی سوشل میڈیا پیغامات کے ذریعہ پیٹرول کی قیمتوں میں یکدم اضافے پر اپنا ردعمل دے چکے ہیں۔
