عدالت نے ڈاکٹر یاسمین راشد کو جوڈیشل ریمانڈ پر جیل بھیج دیا
لاہور ( نامہ نگار خصوصی) پولیس ایک نئے مقدمہ میں سابق صوبائی ڈاکٹر یاسمین راشد کا جسمانی ریمانڈ حاصل کرنے میں ناکام ہوگئی انسداد دہشت گردی عدالت نے جوڈیشل ریمانڈ پر جیل بھیج دیاپولیس نے کینٹ میں پولیس گاڑیوں کو جلانے کے مقدمہ میں ڈاکٹر یاسمین راشد کو انسداد دہشت گردی عدالت میں پیش کیا اور ان کا تفتیش کیلئے جسمانی ریمانڈ مانگا عدالت نے ریکارڈ کا جائزہ لینے کے بعد جسمانی ریمانڈ دینے کی درخواست مسترد کر دی اور ڈاکٹر یاسمین راشد کو 14 دن کے جوڈیشل ریمانڈ پر جیل بھیج دیا. انسداد دہشت گردی عدالت کی ایڈمن جج عبہر گل خان نے پولیس کی جسمانی ریمانڈ کی درخواست پر سماعت کی. پولیس کے مطابق ڈاکٹر یاسمین راشد کینٹ میں پولیس کے گاڑیاں جانے کے مقدمہ میں ملوث ہیں. ڈاکٹر یاسمین راشد کیخلاف پولیس کی گاڑیاں جلانے کا مقدمہ تھانہ سرور روڑ میں درج ہے. اس وقت یاسمین راشد اپنے خلاف مختلف مقدمات میں جوڈیشل ریمانڈ پر جیل میں ہیں۔
یاسمین راشد
