ملتان، عید کےلئے سکیورٹی پلان تیار، 41مقامات حساس قرار
ملتان(وقائع نگار)سی پی او ملتان منصور الحق رانا کی ہدایت پر ملتان پولیس کی جانب سے عید الاضحی کے حوالے سے سیکیورٹی پلان جاری کردیا گیا ضلع بھر میں 2067 مقامات پر عید کی نماز ادا کی جائے گی جن میں سے 41 مقامات کو حساس قرار دیا گیا ہےاس موقع پر فول پروف سیکیورٹی کو یقینی بنانے کے لیے ملتان پولیس کے 2400 سے زائد پولیس افسران و جوان سیکیورٹی(بقیہ نمبر25صفحہ6پر )
کے فرائض سر انجام دیں گے۔اس کے علاہ ڈولفن فورس، محافظ اسکواڈ اور ایلیٹ فورس کے چاک و چوبند دستے شہر بھر میں گشت کریں گے سی پی او ملتان منصور الحق رانا تمام تر سیکیورٹی انتظامات کو خود مانیٹر کریں گے۔جبکہ ایس ایس پی آپریشنز ملتان محمد عمران اوور آل نگران ہوں گےتفریحی مقامات پر کسی بھی لا اینڈ آرڈر کی صورتحال سے نمٹنے کے لئے پولیس کی خصوصی ٹیمیں تعینات ہوں گی اور امن وامان کو ہر صورت قائم رکھا جائے گااس موقع پر ٹریفک کی روانی کو یقینی بنانے کے لیے 03 ڈی ایس پیز سمیت ٹریفک کے 425 افسران وجوان ڈیوٹی سرانجام دیں گے، سی ٹی او ملتان را نعیم شاہد ٹریفک انتظامات کی نگرانی کریں گے ون ویلنگ ،ہلڑبازی کی ہرگز اجازت نہیں ہو گی اور قانون کی خلاف ورزی پر سخت ایکشن لیا جائے گا سی پی او ملتان منصور الحق رانا نے کہا ہے کہ تمام ڈویژنل ایس پیز اپنے علاقوں میں مساجد اور امام بارگاہوں میں عید الاضحی کی نماز کی ادائیگی کے دوران نمازیوں کی حفاظت کویقینی بنانے کے ذمہ دارہوں گے۔ تمام ڈویژنل ایس پیز، ایس ڈی پی اوز اور ایس ایچ اوز عید الاضحی کی نماز کے دوران اپنے علاقے میں موجود رہیں، عید کی نماز کے دوران تمام ڈولفن فورس، محافظ اسکواڈ، ایلیٹ فورس اور تھانہ کی گاڑیاں اپنے اپنے علاقہ میں گشت کریں گی۔انہوں نے کہا کہ سخت سیکیورٹی اقدامات کا مقصد نمازیوں اور مذہبی مقامات کی حفاظت کویقینی بنانا، دہشت گرد کارروائیوں کے خلاف سیکیورٹی کو مزید موثر بنانا اور امن و امان کی بحالی کو یقینی بنانا ہے۔اس کے علاہ سی پی او ملتان منصور الحق رانا نے تمام پولیس افسران کو ہدایات دیتے ہوئے کہا کہ ضلعی گورنمنٹ سے غیر منظور شدہ تنظیموں یا دھونس یا دھمکی کے ذریعے کھالیں اکھٹی کرنے والے افراد کے خلاف سخت قانونی کارروائی عمل میں لائی جائےانہوں نے شہریوں سے بھی اپیل کی کہ اس بات کو یقینی بنائیں کہ آپ کے عطیات یا قربانی کی کھالیں صرف ضلعی انتظامیہ سے منظور شدہ تنظیموں کو ملیں[7:18 am, 2
