صوبائی وزیر لائیو سٹاک پنجاب کی امریکی قونصل جنرل سے ملاقات
لاہور ( پ ر) صوبائی وزیر لائیو سٹاک پنجاب ابراہیم حسن مراد نے امریکی قونصل جنرل ولیم کے مکانیول سے امریکی قونصلیٹ لاہور میں خصوصی ملاقات کی جس میں دونوں ممالک کے درمیان گوشت کی برآمد کے مواقعوں پر تبادلہ خیال کیا گیا۔ ابراہیم مراد نے(بقیہ نمبر29صفحہ6پر )
کہا کہ حکومت پنجاب بین الاقوامی منڈیوں میں گوشت کی برآمدات کو بڑھانے میں دلچسپی رکھتے ہیں۔ ملاقات کا مقصد امریکہ اور پاکستان کے درمیان لائیو سٹاک کے شعبے میں دوطرفہ تجارتی تعلقات کو بہتر بنانے کے لیے نئی راہیں تلاش کرنا تھا جس میں گوشت کی برآمدات خاص طور پر شامل ہیں۔ ابراہیم مراد اور قونصل جنرل دیگر تجارتی امورپر بھی تبادلہ خیال کیا۔صوبائی وزیر لائیو سٹاک اور قونصل جنرل مکانیول نے دونوں ممالک کے درمیان تجارتی تعلقات کو فروغ دینے کے عزم کا اعادہ کیا جس سے نہ صرف لائیو سٹاک کی صنعت کو فائدہ پہنچے گا بلکہ دونوں ممالک کی اقتصادی ترقی میں بھی مدد ملے گی۔امریکی قونصل جنرل ولیم کے مکانیول نے لائیو سٹاک کی صنعت کو بین الاقوامی منڈیوں میں فروغ دینے میں صوباءوزیر ابراہیم مراد کی کوششوں کو سراہا۔ انہوں نے اس بات کا بھی اظہار کیا کہ پاکستان میں امریکی سفیر ڈونلڈ بلوم بھی دونوں ممالک کے درمیان تجارت بڑھانے کے خواہشمند ہیں۔ امریکی قونصل نے وزیر لائیو سٹاک ابراہیم مراد کو تجارتی تعاون کے لیے امریکی حکومت کی جانب سے یقین دہانی کروائی۔
