گورنر سندھ نے قربانی کے لیے 100 بکرے مفت تقسیم کر دیئے ، یہ بکرے کن کو دیئے گئے ؟ جانیے

کراچی ( ڈیلی پاکستان آن لائن ) ایک طرف مہنگائی اور دوسری طرف مفت بکرے ۔۔۔ کیا ایسا ممکن ہے ؟ صوبہ سندھ کے گورنر کامران خان ٹیسوری نے ایسا ممکن کر دکھایا  ۔ گورنر سندھ  نے قربانی کے لیے یتیم بچوں میں بکرے تقسیم کیے ۔ترجمان کے مطابق  گورنر سندھ کامران ٹیسوری کی جانب سے عیدالاضحیٰ پر 100 یتیم بچوں کو قربانی کے لیے مفت بکرے فراہم کیے جا رہے ہیں۔ اس اقدام کا مقصد یتیم بچوں اور ان کے خاندان کو عید کی خوشیوں میں شریک کرنا ہے۔کامران ٹیسوری نے مزید کہا ہے کہ عیدالاضحیٰ پر 100 اونٹ بھی نحر کیے جائیں گے اور قربانی کے جانوروں کا گوشت ضرورت مند افراد میں تقسیم کیا جائے گا۔