رواں برس کتنے لاکھ افراد نے فریضۂ حج ادا کیا، تعداد توقعات کے مطابق تھی یا نہیں ؟ سعودی ادارہ شماریات نے اہم اعدادوشمار بتا دیئے

مکہ مکرمہ ( مانیٹرنگ ڈیسک ) رواں برس کتنے لاکھ افراد نے فریضۂ حج ادا کیا، تعداد توقعات کے مطابق تھی یا نہیں ؟ سعودی ادارہ شماریات نے  اس حوالے سےاہم اعدادوشمار پیش کر دیئے ۔ "جیو نیوز " کے مطابق سعودی ادارہ شماریات  نے بتایاہے کہ اس سال حاجیوں کی تعداد اندازوں سے بہت کم رہی ۔ کہا جا رہا تھا کہ رواں برس عازمین کی تعداد 20 لاکھ سے تجاوز کرتے ہوئے ماضی کے ریکارڈ  توڑ سکتی ہے، کورونا پابندیاں مکمل ختم ہونےکے بعد 25 لاکھ سے زائد عازمین حج کی توقع تھی۔

عرب میڈیا کے مطابق سعودی وزیر حج و عمرہ ڈاکٹر توفیق الربیعہ  کا کہنا تھا کہ اس سال 2023 (1444 ہجری) حج میں 150 ممالک سے زیادہ آنے والے   18 لاکھ 45 ہزار  مردو خواتین عازمین نے شرکت کی، عازمین کی منیٰ سے میدان عرفات منتقلی کامیاب رہی اور صبح 10 بجے تک تمام عازمین عرفات پہنچ چکے تھے۔