ایک روزہ سیریز کے بعد ٹی ٹوئنٹی میں بھی فاتح

ایک روزہ سیریز کے بعد ٹی ٹوئنٹی میں بھی فاتح
ایک روزہ سیریز کے بعد ٹی ٹوئنٹی میں بھی فاتح

  

کولمبو(ڈیلی پاکستان آن لائن) پاکستان ویمن ٹیم نے پہلے ٹی ٹوئنٹی میچ میں میزبان سری لنکا کو سنسنی خیز مقابلے کے بعد ایک وکٹ سے شکست3 میچز کی سیریز میں 1-0 کی برتری حاصل کر لی۔

کولمبو میں کھیلے گئے میچ میں پاکستان نے ٹاس جیت کر پہلے بولنگ کا فیصلہ کیا، سری لنکن ٹیم نے 6 وکٹوں پر 129 رنز بنائے، اوپنر سنجی وانی 61 رنز بنا کر رن آٹ ہو گئیں، ڈی سلوا 35 پر ناقابل شکست رہیں، کپتان جیانگنی نے 10 رنز بنائے، اس کے علاوہ کوئی بلے باز ڈبل فگرز میں داخل نہ ہو سکی۔ پاکستان کی جانب سے ڈیانا بیگ اور ثنا میر نے 2,2 کھلاڑیوں کو پویلین بھیجا جب کہ ندا ڈار نے ایک وکٹ حاصل کی۔

جواب میں گرین شرٹس نے 130 رنز کا ہدف سنسنی خیز مقابلہ کے بعد 9 وکٹوں کے نقصان پر ایک گیند قبل حاصل کیا، جویریہ خان 52 اور کپتان بسمعہ معروف 42 رنز کے ساتھ نمایاں رہیں، قومی ٹیم کو آخری اوور میں 4 رنز درکار تھے اور 2 وکٹیں باقی تھیں، پہلی گیند پر سنگل بنی جب کہ دوسری گیند پر رن لینے کی کوشش میں ڈیانا بیگ رن آوٹ ہو گئیں، ڈیبیو کرنے والی غلام فاطمہ نے ایک گیند قبل چوکا لگاتے ہوئے ٹیم کو فتح سے ہمکنار کروا دیا، انہوں نے 3 گیندوں پر 6 رنز بنائے۔

سوگندیکا کماری نے 3 جب کہ نیپونی ہنسیکا، اوشادی راناسنگھے اور سری وردنے نے ایک ایک وکٹ حاصل کی۔

سیریز کا دوسرا میچ 30مارچ کو کولمبو میں کھیلا جائے گا ،اس سے قبل پاکستان نے سری لنکا کوتین ایک روزہ میچز کی سیریز میں وائٹ واش کیا تھا۔

مزید :

کھیل -