نوازشریف لندن میں جس سے بھی چھپ چھپ کر ملاقاتیں کرتے وہ ملک کے مفاد کے لیے کرتے ہیں،مریم نواز کا ردعمل بھی آگیا

 نوازشریف لندن میں جس سے بھی چھپ چھپ کر ملاقاتیں کرتے وہ ملک کے مفاد کے لیے ...
 نوازشریف لندن میں جس سے بھی چھپ چھپ کر ملاقاتیں کرتے وہ ملک کے مفاد کے لیے کرتے ہیں،مریم نواز کا ردعمل بھی آگیا
سورس: Twitter/@MaryamNSharif

  

گوجرانوالہ (ویب ڈیسک) مسلم لیگ (ن) کی نائب صدر مریم نواز نے کہا ہے کہ نوازشریف لندن میں جس سے بھی چھپ چھپ کر ملاقاتیں کرتے وہ ملک کے مفاد کے لیے کرتے ہیں۔ یادرہے کہ کمالیہ جلسے میں وزیراعظم نے لندن میں چھپ چھپ کر ملاقاتوں کا بیان دیا تھا۔

ایکسپریس نیوز کے مطابق  مریم نواز نے کہا کہ پی ٹی آئی جلسےمیں 10لاکھ توکیا 10 ہزار لوگ بھی نہیں آئے، پریڈ گراؤ نڈوالوں جلسہ دیکھنا ہےتوگوجرانوالہ آکر دیکھ لو، عوام نے وزیر اعظم عمران خان کے جلسے میں نہ جاکر ان کی سیاست ہمیشہ کے لیے ختم کردی۔نائب صدر مسلم لیگ (ن) نے کہا کہ تحریک انصاف اپنے جلسے کی ناکامی کا الزام بھی نوازشریف پرنہ لگا دینا، پریڈ گراؤنڈ میں’چی چی‘ کرنے والا پاکستان کا سب سے بڑا چوہا ہے،عوام کا آٹا، چینی کھا کھا کر جو چوہا موٹا ہوگیا اس کانام’عمران خان‘ہے۔

مریم نواز نے وزیر اعظم عمران خان کے بیان کا جواب دیا کہ نواز شریف لندن میں جس سےبھی چھپ چھپ کر ملتے ہیں وہ ملکی مفاد میں ملتے ہیں، 12 ارب روپے نواز شریف کےخلاف ثبوت ڈھونڈے کے لیے خرچ کیے گئے،کیا یہ تمہارے خاندان کی کمائی ہے؟انہوں نے کہا کہ بدلے میں کیا نکلا، پوری دنیا نےکہہ دیا نوازشریف صادق وامین ہے، تم سننا چاہتے ہو’ایبسلوٹلی ناٹ‘ کسےکہتے ہیں؟ یاد کرو وہ دن جب نوازشریف نے 5 ارب ڈالر کی پیش کش ٹھکرائی اور بھارت کے 5 دھماکوں کے بدلے 6 ایٹمی دھماکے کیے۔

مریم نواز نے عمران خان کو مخاطب کرکے کہا کہ تمہارے پاس راز ہوتے تو آج دکھاتے، انہیں معلوم ہے کہ زبان کھولی توکرپشن کےپلندے کھل جائیں گے، کان کھول کرسن لو! یہ ادارے بھی نوازشریف کے ہیں اورقوم بھی۔

مزید :

علاقائی -پنجاب -گوجرانوالہ -