پی سی بی نے سری لنکا کے دورہ پاکستان کیلئے کوشش شروع کر دیں

پی سی بی نے سری لنکا کے دورہ پاکستان کیلئے کوشش شروع کر دیں

لاہور( سپورٹس رپورٹر) زمبابوے ٹیم کی پاکستان آمد کے بعد سری لنکن ٹیم کے دورے کے لیے پاکستان نے کوششیں شروع کردی ہیں۔ سری لنکا کرکٹ بورڈ کے عبوری سربراہ سدھات ودے منی 29 مئی کو پاکستان پہنچیں گے۔ پاکستان کرکٹ بورڈ کے چئیرمین شہریار خان کی خصوصی دعوت پر سری لنکا کرکٹ بورڈ کے عبوری سربراہ سدھات ودے منی 29 مئی کو پاکستان پہنچ رہے ہیں جو 31 مئی کو پاک زمبابوے آخری ون ڈے میچ دیکھیں گے۔ پاکستان کی جانب سے سری لنکا کی ٹیم کے دورے کے متعلق بورڈ کے عبوری سربراہ سے بات چیت کی جائے گی اور سیکورٹی انتظامات سمیت تمام امور پر تفصیلی تبادلہ خیال ہوگا۔ ابتدائی طور پر دورہ سری لنکا کو مختصر رکھنے اور صدارتی طرز کی سیکورٹی دینے کی تجاویز پر بات چیت بھی کی جائے گی اس دورے کو اس لحاظ سے بہت زیادہ اہمیت کا حامل قرا دیا جارہا ہے کہ اس میں سری لنکن ٹیم کے پاکستان کے دورہ کے حوالے سے بات چیت کی جائے گی اور ان کو قائل کیا جائے گا زمبابوے کی کرکٹ ٹیم کے کامیاب دورہ کے بعد اب قوی امید ہے کہ پاکستان کرکٹ بورڈ سری لنکا کی ٹیم کو پاکستان لانے میں کامیابی حاصل کرسکتا ہے ۔

مزید : کھیل اور کھلاڑی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...