امریکہ نے چین کو بحیرہ چین کے پانیوں میں مصنوعی جزائر تعمیر کرنے پر تنبیہ جاری کر دی

امریکہ نے چین کو بحیرہ چین کے پانیوں میں مصنوعی جزائر تعمیر کرنے پر تنبیہ ...
امریکہ نے چین کو بحیرہ چین کے پانیوں میں مصنوعی جزائر تعمیر کرنے پر تنبیہ جاری کر دی

واشنگٹن(مانیٹرنگ ڈیسک)امریکہ نے چین کو خبردار کیا ہے کہ وہ جنوبی بحیرہ چین کے پانیوں میں مصنوعی جزائر کی تعمیر بند کر دے ۔

بی بی سی کے مطابق امریکی وزیرِ دفاع ایش کارٹر نے کہا ہے کہ چین کا متنازع علاقے میں اپنی حددو بڑھانے کا منصوبہ سکیورٹی کے بارے میں علاقائی اجماع سے متصادم ہے۔ایش کارٹر نے کہا کہ ہم تمام تنازعات کا فوری اور دیرپا حل چاہتے ہیں اور ہماری خواہش ہے کہ کوئی بھی دعویدار زمین حاصل کرنے کا عمل روک دے۔ ہم اس علاقے میں مزید عسکری سرگرمیوں کے بھی مخالف ہیں۔ان کا کہنا تھا کہ جنوبی بحیرة چین میں چین کے اقدامات نہ صرف ایشیا اور بحرالکاہل کے علاقے کی سکیورٹی سے متعلق عالمی معمولات سے متصادم ہیں بلکہ وہ خطے میں تنازعات کے بارے میں غیر جارحانہ رویہ رکھنے کے بارے میں علاقائی اجماع کے بھی خلاف ہیں۔

ایش کارٹر کا یہ بھی کہنا تھا کہ امریکہ آنے والی دہائیوں میں بھی اس خطے میں مرکزی فوجی طاقت رہنا چاہتا ہے۔انھوں نے کہا کہ ’چین کے اقدامات خطے کے دیگر ممالک کو نئی شکل میں اکٹھا کر رہے ہیں اور ان کا یہ مطالبہ بڑھتا جا رہا ہے کہ امریکہ ایشیا اور بحرالکاہل کے اس خطے میں اپنا کردار ادا کرے اور ہم ان کی یہ توقع پوری کریں گے۔ ہم آنے والی کئی دہائیوں تک اس خطے میں مرکزی فوجی طاقت رہیں گے۔

اس سے قبل امریکی وزیرِ خارجہ نے بھی چین کے دورے کے موقعے پر کہا تھاکہ چین جس سمت و رفتار سے جنوبی بحیر? چین کے علاقوں پر اپنا دعویٰ پیش کر رہا ہے اس سے انھیں تشویش ہے۔

مزید : بین الاقوامی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...