حکومت بجلی کتنی مہنگی کرنے کیلئے آئی ایم ایف سے بات چیت کر رہی ہے ؟ سن کر پاکستانیوں کے ہوش گم ہو جائیں گے 

حکومت بجلی کتنی مہنگی کرنے کیلئے آئی ایم ایف سے بات چیت کر رہی ہے ؟ سن کر ...
حکومت بجلی کتنی مہنگی کرنے کیلئے آئی ایم ایف سے بات چیت کر رہی ہے ؟ سن کر پاکستانیوں کے ہوش گم ہو جائیں گے 

  

اسلام آباد(ڈیلی پاکستان آن لائن ) حکومت کی آئی ایم ایف کے ساتھ مذاکرات میں بجلی ٹیرف میں 7 روپے فی یونٹ اضافے پر بات چیت ہوئی ہے۔

ایکسپریس نیوز نے ذرائع کے حوالے سے کہاہے کہ آئی ایم ایف کے ساتھ مذاکرات میں بجلی ٹیرف میں 7 روپے فی یونٹ اضافے پر بات چیت ہوئی ہے،آئی ایم ایف نے 2600 ارب روپے کے بجلی کے گردشی قرض پر شدید تشویش کا اظہار کیا ہے۔آئی ایم ایف نے بجلی کی منافع بخش تقسیم کار کمپنیوں کی فوری فروخت ،بجلی کی نقصان میں چلنے والی تقسیم کار کمپنیوں کو صوبوں کے حوالے کرنے کی تجویزدی گئی، سرکاری کمپنیوں کے آڈٹ کیلئے نیپرا آڈیٹر جنرل کو معاونت فراہم کرے گا، سرکاری شعبے میں بجلی کارخانوں کی فوری نجکاری کا بھی دباو ہے۔

ذرائع نے کہا ہے کہ آئندہ مالی سال2022-23 میں بجلی ٹیرف بھی بڑھایا جائے گا، بجلی کی قیمت میں اضافہ یکم جولائی سے شروع کیا جائے گاجومرحلہ وار صارفین پر بڑھایا جائے گا۔حکومت کی جانب سے آئندہ مالی سال میں بجلی ٹیرف بھی بڑھایا جائے گا جب کہ بجلی ٹیرف میں اضافہ بیس ٹیرف اور سہ ماہی ایڈجسٹمنٹ میں کیا جائے گا۔

مزید :

قومی -