بھارت میں بندر کا ڈھول کے ساتھ جنازہ، ویڈیو سامنے آگئی

بھارت میں بندر کا ڈھول کے ساتھ جنازہ، ویڈیو سامنے آگئی
بھارت میں بندر کا ڈھول کے ساتھ جنازہ، ویڈیو سامنے آگئی
سورس: Screengrab

  

نئی دہلی (ویب ڈیسک) بندر کو ہندو مذہب میں دیوتا کا درجہ حاصل ہے اور یہی وجہ ہے کہ بھارت میں بندروں کا خیال رکھا جاتا ہے اور ان کی پوجا پاٹ بھی کی جاتی ہے۔ سوشل میڈیا پر ان دنوں بھارت کی ایک ویڈیو وائرل ہو رہی ہے جس میں کچھ لوگوں کو ایک مرے ہوئے بندر کو  زردپیلے رنگ کے کپڑے میں لپیٹ کر ڈھول باجے کے ساتھ دفنانے کے لیے لے جاتے ہوئے دیکھا جا سکتا ہے۔

بھارتی میڈیا کے حوالےسے جیونیوز نے بتایا کہ   بجلی کے پول سےکرنٹ لگنے سے ہلاک ہونے والے بندر کی دھوم دھام کے ساتھ تدفین کا واقعہ بھارتی ریاست مدھیہ پردیش کے ضلع ریوا میں پیش آیا۔میڈیا رپورٹس کے مطابق مقامی افراد کا کہنا تھا کہ کرنٹ لگنے سے ہلاک ہونے والے بندر کی آخری رسومات محکمہ جنگلات کو ادا کرنی چاہئیں جبکہ محکمہ جنگلات کے حکام کا کہنا تھا کہ یہ ذمہ داری مقامی حکومت کی ہے۔

حکومتی اداروں میں بندر کی تدفین کے معاملے پر اختلافات سامنے آنے کے بعد کچھ مقامی تاجروں نے بندر کی اپنے تئیں تدفین کا فیصلہ کیا اور بندر کو ڈھول باجے اور روایتی بھجن گا کر قبر میں اتارا گیا جس کی ویڈیو بھی سوشل میڈیا پر خوب وائرل ہو رہی ہے۔

مزید :

ڈیلی بائیٹس -بین الاقوامی -