نئے چیئرمین نیب کے لئے مشاورت شروع ، قمر الزماں،  بشیر میمن،فواد حسن فواد کے ناموں پر غور

نئے چیئرمین نیب کے لئے مشاورت شروع ، قمر الزماں،  بشیر میمن،فواد حسن فواد کے ...
نئے چیئرمین نیب کے لئے مشاورت شروع ، قمر الزماں،  بشیر میمن،فواد حسن فواد کے ناموں پر غور

  

 اسلام آباد (مانیٹرنگ ڈیسک، نیوز ایجنسیاں) چیئرمین قومی احتساب بیورو (نیب) کی تعیناتی پر حکومت اور اپوزیشن میں مشاورت شروع  ہوگئی،اپوزیشن لیڈر راجا ریاض نے وزیراعظم شہباز شریف سے ملاقات کی ہے۔ ملاقات میں چیئرمین نیب کیلیے ابتدائی طور پر3ناموں پر غور کیا گیا۔ذرائع کے مطابق حکومت نے ریٹائرڈ جج کے بجائے کسی ریٹائرڈ بیورو کریٹ کو چیئرمین نیب لگانے کا فیصلہ کیا ہے جس کے لیے ابتدائی طور پر 3 ناموں پر مشاورت کی گئی ہے۔ سابق بیورو کریٹ فواد حسن فواد،سابق چیئرمین نیب قمر الزماں اور سابق ڈی جی ایف آئی اے بشیر میمن چیئرمین نیب کی دوڑ میں شامل ہیں۔وزیراعظم اور اپوزیشن لیڈر نے ان ناموں پر اتحادی جماعتوں سے بھی مشاورت پر اتفاق کیا ہے۔اپوزیشن لیڈر راجا ریاض کے مطابق 2 جون سے پہلے چیئرمین نیب کا تقرر کرلیں گے تاہم تاحال کسی نام پر کوئی حتمی فیصلہ نہیں ہو سکا ہے۔

مزید :

قومی -