کراچی میں پولیس کا اسلحہ تھانے سے چوری ہوگیا

کراچی میں پولیس کا اسلحہ تھانے سے چوری ہوگیا
کراچی میں پولیس کا اسلحہ تھانے سے چوری ہوگیا

  

کراچی (ویب ڈیسک) کراچی میں پولیس کا اسلحہ ملزم تھانے سے چوری کرکے فرار ہوگیا۔

اے آر وائی نیوز کے مطابق کراچی کے علاقے بلدیہ ٹاؤن کے تھانہ سعید آباد میں ون فائیو کی جانب سے ملزم بہار علی کو گرفتار کرکے تھانے لایا گیا تھا اس دوران ملزم اسلحہ چرا کر فرار ہوگیا جسے بعدازاں گرفتار کرلیا گیا۔

ذرائع کے مطابق تھانے میں ڈیوٹی افسر نے ملزم بہار علی کو اسلحہ سیکشن میں بٹھا دیا جس کے کچھ دیر بعد ہی ملزم دو سرکاری پستول لے کر فرار ہوگیا۔ ذرائع کا کہنا ہے کہ پولیس نے فوری کارروائی کرتے ہوئے ملزم کو گرفتار کرکے اسلحہ برآمد کرلیا۔

پولیس کا کہنا ہے کہ واقعے کا مقدمہ درج کرلیا گیا ہے اور ڈیوٹی افسر کو معطل کردیا گیا ہے جبکہ واقعے میں ملوث اہلکاروں کے خلاف کارروائی کی جائے گی۔

مزید :

علاقائی -سندھ -کراچی -