تیسرا ٹی ٹوئنٹی میچ، قومی ٹیم میں2تبدیلیوں کا امکان

تیسرا ٹی ٹوئنٹی میچ، قومی ٹیم میں2تبدیلیوں کا امکان
 تیسرا ٹی ٹوئنٹی میچ، قومی ٹیم میں2تبدیلیوں کا امکان

  IOS Dailypakistan app Android Dailypakistan app

لندن(ڈیلی پاکستان آن لائن)پاک انگلینڈ تیسرے ٹی ٹوئنٹی میچ میں قومی ٹیم کی طرف سے دو تبدیلیوں کا امکان ہے جبکہ بارش کے باعث میچ متاثر ہونے کا بھی خدشہ ظاہر کیا گیا ہے۔

پاکستان اور انگلینڈ کے درمیان 4 میچز پر مشتمل تیسرا ٹوئنٹی میچ آج کارڈف میں کھیلا جائے گا۔ دونوں ٹیمیں سیریز میں فتح حاصل کرنے کیلئے صوفیا گارڈنز کرکٹ گراؤنڈ میں مدِ مقابل آئیں گی۔

دوسرے ٹی ٹوئنٹی میں شکست کے بعد تیسرے میچ میں قومی کرکٹ ٹیم دو تبدیلیوں پر غور کر رہی ہے۔ قومی ٹیم کے اوپننگ بلے باز صائم ایوب اور آل راؤنڈر شاداب خان کو آرام دینے جانے کا امکان ہے۔

ذرائع کے مطابق پاکستان ٹیم میں تبدیلیوں کا فیصلہ ٹاس سے قبل پچ اور کنڈینشز کو دیکھتے ہوئے کیا جائے گا۔ کپتان بابر اعظم کے پاس فاسٹ باؤلر نسیم شاہ اور بلے باز عثمان خان کا آپشن موجود ہے۔

خیال رہے کہ تیسرا ٹی ٹوئنٹی میچ پاکستانی وقت کے مطابق آج رات ساڑھے 10 بجے شروع ہوگا۔ تاہم کارڈف میں آج دن بھر بارش کی پیشگوئی کی گئی ہے لیکن شام کے وقت ہونے والے میچ سے 2 گھنٹے قبل موسم صاف ہونے کا امکان ہے۔

دوسری طرف انگلینڈ ٹیم میں بھی ایک تبدیلی کا امکان ہے، انگلش کپتان جوز بٹلر بیٹے کی پیدائش کی وجہ سے تیسرے ٹی ٹوئنٹی کے لیے ٹیم کو دستیاب نہیں ہوں گے۔

 
 
 
 
 

مزید :

کھیل -