مودی سرکار نے سکھوں اور کشمیری رہنماؤں پر پابندی کیلئے برطانیہ کو فہرست بھیج دی

مودی سرکار نے سکھوں اور کشمیری رہنماؤں پر پابندی کیلئے برطانیہ کو فہرست بھیج ...

نیو دہلی (مانیٹرنگ ڈیسک) بھارتی وزیر اعظم مودی دورہ برطانیہ کے دوران ہونے والی خفت بھلا نہیں پائے۔ برطانوی حکومت کو سکھوں اور کشمیری رہنماوں پر پابندی کیلئے ایک فہرست ارسال کر دی۔دورہ برطانیہ کے دوران ہونے والے احتجاج پر بھارتی وزیر اعظم نریندر مودی بوکھلا گئے۔ 10 ڈاوننگ سٹریٹ اور ویمبلے اسٹیڈیم کے باہر کشمیری اور سکھ کمیونٹی کی جانب سے بھرپور احتجاج نے مودی کی نیندیں دیں۔ مودی حکومت نے حق کی ا?واز دبانے کیلئے برطانوی حکومت کو خط لکھ کر کشمیری اور سکھ رہنماوں پر پابندی لگانے کا مطالبہ کر دیا ہے۔ بھارتی حکومت کا خط میں کہنا ہے کہ برطانیہ میں مقیم کشمیری اور سکھ رہنما مقبوضہ کشمیر اور بھارتی پنجاب میں ا?زادی کی تحاریک چلا رہے ہیں۔ سکھوں کے تین چینل بھی لندن سے چلائے جا رہے ہیں جن سے پنجاب میں جاری خالصتان تحریک منظم ہو رہی ہے جبکہ بھارتی حکومت کیلئے مسائل بڑھ رہے ہیں لہذا برطانوی حکومت یہ چینلز بند کرتے ہوئے رہنماوں پر پابندی لگائے۔ برطانیہ نے بھارتی حکومت کے ان بے تکے مطالبات کو نظر انداز کر دیا ہے۔

مزید : صفحہ اول