بلوچستان میگا کرپشن کیس،عدالت نے مشتاق رئیسانی اور سہیل مجید کے جوڈیشل ریمانڈ میں توسیع کردی

بلوچستان میگا کرپشن کیس،عدالت نے مشتاق رئیسانی اور سہیل مجید کے جوڈیشل ...
بلوچستان میگا کرپشن کیس،عدالت نے مشتاق رئیسانی اور سہیل مجید کے جوڈیشل ریمانڈ میں توسیع کردی

  

کوئٹہ (مانیٹرنگ ڈیسک )بلوچستان میگا کرپشن کیس میں عدالت نے مشتاق رئیسانی اور سہیل مجید کے جوڈیشل ریمانڈ میں توسیع کردی ۔میڈ یا رپورٹس کے مطابق احتساب عدالت میں بلوچستان میگا کرپشن کیس کی سماعت ہوئی جس میں سابق سیکریٹری خزانہ مشتاق رئیسانی اور کنٹریکٹر سہیل مجید عدالت میں پیش ہوئے ۔اس موقع پر عدالت نے نیب کو ملزمان کے ریفرنسز دائر کر نے کی ہدایت کی ۔ملزمان کے وکلا نے عدالت سے استدعا کی کہ کیس کی سماعت 9دسمبر تک ملتوی کی جائے جس پر عدالت نے مشتاق رئیسانی اور سہیل مجید کے جوڈیشل ریمانڈ میں توسیع کر کے کیس کی سماعت 9دسمبر تک ملتوی کردی ۔واضح رہے کہ سیکریٹری خزانہ مشتاق رئیسانی کے گھر سے 70کروڑ روپے سے زائد مالیت کی نقدی ،بانڈز اور سونا برآمد کیا گیا تھا ۔

مزید : کوئٹہ