ڈالر مزید سستا ہوگیا لیکن سٹاک ایکسچینج کی کیا صورتحال رہی ؟

ڈالر مزید سستا ہوگیا لیکن سٹاک ایکسچینج کی کیا صورتحال رہی ؟
ڈالر مزید سستا ہوگیا لیکن سٹاک ایکسچینج کی کیا صورتحال رہی ؟

  



کراچی(ویب ڈیسک)  کاروباری ہفتے کے چوتھے روز انٹر بینک میں ڈالر کی قیمت میں مزید پانچ پیسے کمی ہوئی ہے،ایکسچینج کمپنیز ایسوسی ایشن کے مطابق انٹر بینک میں آج ڈالر 155.30 روپے میں ٹریڈ ہورہا ہے جس کی فروخت گزشتہ روز 155.35 میں جاری تھی۔

دوسری جانب ہم نیوز کے مطابق اوپن مارکیٹ میں ڈالر کی قیمت میں کوئی تبدیلی نہیں ہوئی اور یہ 155.60 روپے میں فروخت ہورہا ہے۔اوپن مارکیٹ میں رواں سال جون سے لے کر اب تک ڈالر کی قیمت میں آٹھ روپے 40 پیسے کمی آچکی ہے۔ادھر جمعرات کے روز مارکیٹ میں کاروبار کا آغاز  38 ہزار 122 سے ہوا اور ابتدائی ایک گھنٹے کے دوران 100 انڈیکس میں 76 پوائنٹس کا اضافہ دیکھا گیا ہے۔گزشتہ روز بھی پاکستان اسٹاک مارکیٹ میں تیزی رہی اور انڈیکس 327 پوائنٹس اضافے کے بعد 38 ہزار 122 پوائنٹس پر بندا۔

یاد رہے کہ 2019 کے آغاز میں ڈالر کی قیمت میں روپے کے مقابلے میں پیش رفت جاری رہی۔ جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے پر ٹریڈ کررہا تھا۔اپریل 2019 میں ڈالر چھلانگ لگا کر 141 روپے 50 پیسے پر آگیا۔ مئی میں 151 روپے اور جون میں تاریخ کی بلند ترین سطح 164روپے پر پہنچ گیا۔

جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔اگست 2019 میں روپے نے ڈالر کا جم کر مقابلہ کیا اور ڈالر 157.20 روپے تک پہنچ گیا۔ ستمبر 2019 کے اختتام پر ڈالر کی قیمت میں مزید کمی واقع ہوئی اور یہ 156.40 روپے پر پہنچ گیا۔اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔

مزید : بزنس