کورونا، ہاکی ٹیم کے سابق کھلاڑی ثناء اللہ انتقال کرگئے
لاہور(سپورٹس رپورٹر) پاکستان کی ہاکی ٹیم کے سابق کھلاڑی ثنا اللہ کرونا سے انتقال کرگئے قومی ہاکی ٹیم کے سابق کھلاڑی 62 برس کی عمر میں انتقال کرگئے۔ڈاکٹرز کے مطابق ثنا اللہ کرونا کا شکار ہوئے تھے جس کی بعد ان کی طبیعت مسلسل بگڑتی رہی اور پھر انہیں انتہائی نگہداشت وارڈ شفٹ کیا گیا جہاں انہوں نے اپنی آخری سانسیں لیں۔ثنااللہ مرحوم لیفٹ آٹ کی پوزیشن پر کھیلتے تھے، وہ1979 میں فرانس میں کھیلے والے پہلے عالمی جونیئر کپ ہاکی ٹورنامنٹ کے فاتح پاکستان ٹیم میں شامل تھے۔انہوں نے عالمی جونیئر کپ کا پہلا گول کرنے کا بھی اعزاز حاصل کیا جبکہ مختلف عالمی مقابلوں میں پاکستان کی نمائندگی بھی کی،وہ 1984 میں لاس اینجلس اولمپکس سے قبل یورپ کا دورہ کرنے والی پاکستان ہاکی ٹیم کا حصہ بھی رہ چکے تھے۔