”فوج سے کوئی پریشر نہیں آتا ،گھر سے پریشر آتا ہے “ وزیراعظم نے ایسی بات کہہ دی کہ ہر شادی شدہ مرد مسکرا دے 

”فوج سے کوئی پریشر نہیں آتا ،گھر سے پریشر آتا ہے “ وزیراعظم نے ایسی بات کہہ ...
”فوج سے کوئی پریشر نہیں آتا ،گھر سے پریشر آتا ہے “ وزیراعظم نے ایسی بات کہہ دی کہ ہر شادی شدہ مرد مسکرا دے 

  

اسلام آباد (ڈیلی پاکستان آن لائن )وزیراعظم عمران خان نے کہا ہے کہ فوج کی طرف سے انہیں کوئی پریشر نہیں آتا ،گھر کی طرف سے پریشر آتا ہے ۔نجی نیوز چینل کے پروگرام میں اینکر پرسن منصورعلی خان نے مسکراتے ہوئے ازراہ تفنن سوال کیا کہ کوئی بھی مرد جو نوکری پیشہ ہوتا ہے اس کو گھر کی طرف سے پریشر آتا ہے کہ گھر پر کم وقت دیتے ہیں ،کیا وزیراعظم کو بھی پریشر آتا ہے کہ حضور تھوڑا گھر پر بھی وقت دے دیا کریں ۔اس سوال پر وزیراعظم عمران خان نے کہا کہ گھر سے پریشر تو آتا ہے کیونکہ میرے ورکنگ آورز صرف آفس کے نہیں ہوتے بلکہ گھر جا کر بھی کام کرتا ہوں ،اگلے دن کی پلاننگ بھی کرنی ہوتی ہے ،میری کوئی بھی سوشل لائف نہیں ہے ۔پروگرام میں اینکر پرسن منصور علی خان نے سوال کیا کہ کیا کبھی فوج کی طرف سے مزاحمت کا سامنا ہوا ؟اس پر جواب دیتے ہوئے وزیراعظم عمران خان نے کہا کہ میں فوج کی مزاحمت تب کروں جب مجھ پر فوج کی طرف سے دباﺅ ہو،فوج نے آج تک ایک چیز میری مرضی کے خلاف نہیں کی ،آپ ہمارا منشور اٹھا کر دیکھ لیں ،ساری خارجہ پالیسی تحریک انصاف کی ہی ہے ۔

مزید :

ڈیلی بائیٹس -