خواب میں سانپ دیکھنے والے شخص کو تعبیر بتانے کے ایک ماہر نے ایسا حل بتایا کہ آدمی کو سچ مچ سانپ نے کاٹ لیا

خواب میں سانپ دیکھنے والے شخص کو تعبیر بتانے کے ایک ماہر نے ایسا حل بتایا کہ ...
خواب میں سانپ دیکھنے والے شخص کو تعبیر بتانے کے ایک ماہر نے ایسا حل بتایا کہ آدمی کو سچ مچ سانپ نے کاٹ لیا
سورس: Pexels.com (creative commons license)

  

نئی دہلی(مانیٹرنگ ڈیسک) بھارت میں ایک آدمی اکثر خواب دیکھتا کہ اسے سانپ کاٹ رہا ہے۔ وہ اس کی تعبیر پوچھنے ایک ماہر کے پاس گیا، جس نے ایسا حل بتایا کہ آدمی کو سچ مچ سانپ نے کاٹ لیا۔ انڈیا ٹائمز کے مطابق راجا نامی اس 54سالہ شخص کا تعلق ریاست تامل ناڈو کے ضلع گوبی چیتپالائم کے ایک گاﺅں سے ہے۔ 

راجا کو ماہر نے بتایا کہ وہ قریبی مندر میں جا کر وہاں موجود ایک رسلز وائپر (زہریلے سانپ کی ایک قسم) کے سامنے اپنی زبان کو اسی طرح حرکت دے جس طرح سانپ دیتا ہے۔راجا نے سانپ کے سامنے جا کر یہ کام کیا تو سانپ نے اس کی زبان پر ہی کاٹ لیا۔

مندر کا پنڈت یہ صورتحال دیکھ رہا تھا۔ اس نے راجا کی جان بچانے کے لیے چھری سے اس کی زبان کا کچھ حصہ کاٹ ڈالا تاکہ خون نکلے اور اس کے ساتھ سانپ کا زہر بھی نکل جائے۔ اس طریقے سے راجا کی جان تو بچ گئی مگر اس کی بولنے کی صلاحیت شدید متاثر ہوئی۔ اسے شہر کے مانیا میڈیکل سنٹر لیجایا گیا جہاں ڈاکٹروں نے بتایا کہ اس کی زبان اب کبھی ٹھیک نہیں ہو سکے گی۔

مزید :

ڈیلی بائیٹس -